Erreo im Jab Erreo

Ilo Kallim̧ur Em̧or, Irooj ar kwaļo̧k n̄an Moses im riIsrael ro etto bwe jet wōt m̧ōn̄ā rekar watōki ke rerreo ak, ilo bar juon wāween ba, ekkar n̄an kan̄i. Oktak eo im riIsrael rekar kōm̧m̧ane ikōtaan erreo im jab erreo in m̧ōn̄ā ekar ļap an jelōt mour ko aer ilo kabun̄ im iiaio ko aer. Jet mennin mour, bao in mejatoto, im ek rekar watōki bwe rerreo im ekkar n̄an m̧ōn̄ā, ak ko jet rekar jab erreo im kar mo̧ (Liv. 11; Dut. 14:3–20). Jet armej renan̄inmej rekar barāinwōt watōk er jab erreo.

Ilo mour in jetōb, n̄an erreo ej n̄an anemkwōj jān jero̧wiwi im ikdeelel ko rejero̧wiwi. Ilo jekjek in naan in ej jerbal n̄an kwaļo̧k wāween juon armej eo erreo ilo m̧wil im būruōn erreo (Sam Ko 24:4). Armej in bujen eo an Anij iien otemjej ewōr aer naan in tōl n̄an aer erreo (3 Ni. 20:41; K&B 38:42; 133:5).