Jepļaaktok eo an Gospel eo

An Anij bar kajutake m̧ool ko im kain̄i ko An gospel eo ilubwiljin armej ioon laļ. Gospel eo an Jisōs Kraist ekar jako jān laļ kōn maroklep eo ekar bōk jikin ālikin wōt ministry eo an Rijjilōk Ro an Kraist ioon laļ. Maroklep eo ekar kōm̧m̧an bwe en aikuj bōk jikin Jepļaaktok eo an gospel in. Kōn visōn ko, jipan̄ ko an enjeļ raņ, im revelesōn ko n̄an armej ioon laļ, Anij eaar kōjepļaaktok gospel eo. Jepļaaktok eo ekar ijjino ippān Rikanaan Josep Smith (JS—B 1; K&B 128:20–21) im ekar wōnm̧aantak n̄an iien in kōn jerbal ko an rikanaan ro remour an Irooj.