Kwōjkwōj

N̄an Ro Rekwōjarjar ilo Raan Ko Āliktata, kwōjkwōj rej jitōn̄ļo̧k kain̄i in bōk pilawā im dān eo ilo ememej katok in pinmuur eo an Kraist. Pilawā eo ruje ej bōk jikin ānbwin eo An ruje; dān eo ej bōk jikin bōtōktōk eo Eaar kōto̧o̧rļo̧k n̄an pinmuur kōn jero̧wiwi ko ad (1 Kor. 11:23–25; K&B 27:2). N̄e ro retōllo̧ke uwaan Kabun̄ rej bōk kwōjkwōj eo, rej kallim̧ur n̄an bōk ioer etan Kraist, n̄an keememej E iien otemjej, im n̄an kōjparok kien ko An. Kōn kain̄i in, ro uwaan Kabun̄ rej kōkāāl bujen peptaij ko aer.

Ilo Kōjota eo Āliktata, Jisōs ar kōmmeļeļeik kain̄i in kwōjkwōj eo ke Eaar m̧ōn̄ā ippān Rijjilōk Ro Jon̄oulruo (Matu 26:17–28; Luk 22:1–20).