Joel

Bok in ej pedped ioon juon kanaan eo Joel ar kōm̧m̧ane ālikin kar ko̧kkure āneen Juda kōn juon den̄den̄ in mājlep enana im kōn lokōs ko (Joel 1:4–20). Joel an kareel būruōn armej ro bwe kōn ukeļo̧k renaaj kar bar juon alen bōk kōjeraam̧m̧an ko an Anij (Joel 2:12–14).

Jebta 1 ej kūr n̄an juon kuk ekwōjarjar ilo m̧weo im̧ōn Irooj. Jebta 2 ej ekkōnono kōn tariņae im jeepepļo̧k eo naaj itok im̧aan Meļļenium eo. Jebta 3 ej ekkōnono kōn raan ko āliktata im kameejļo̧k bwe aolep laļ ko renaaj tariņae a āliktata Irooj enaaj jokwe ilo Zaion.

Piter eaar kōnono jān kanaan ko an Joel kōn lutōkleplep in Jetōb ilo raan in Pentekost (Joel 2:28–32; Jerb. 2:16–21). Enjeļ Moronai eaar barāinwōt kōnono jān ejja eoon in wōt n̄an Josep Smith (JS—B 1:41).