Betel

Ilo kajin Hibru, meļeļein “m̧weo im̧ōn Anij” im ej juon ian jikin ko rekanooj ekwōjarjartata ilo Israel. Ej pād enan̄in jon̄oul m̧aiļ (jon̄ouljiljino kilomita) ituiōn̄ in Jerusalem. Ijin Ebream ar kalōk lokatok eo an ilo iien eo me ej kab ļāwōdetok Kenean m̧oktata (Jen. 12:8; 13:3). Ijin Jekab eaar lo ilo visōn juon jikin uwe ej tōparļo̧k lan̄ (Jen. 28:10–19). Ekar barāinwōt juon jikin ekwōjarjar ilo raan ko an Samuel (1 Sam. 7:16; 10:3).