Ukok eo an Josep Smith (JS—Ukok)

Juon kajjim̧we in ukok eo an Kiin̄ Jemes Version eo an Baibōļ eo ilo kajin In̄lij, eo Rikanaan Josep Smith ar jino e ilo 1830. E Anij ar jiron̄ e n̄an kōm̧m̧ane ukok in im kar watōke bwe ej m̧ōttan kūr eo an āinwōt juon rikanaan.

Men̄e Josep ar kadedeļo̧k enan̄in aolepān ukok eo m̧okta jān Juļae 1833, eaar wōnm̧aanļo̧k m̧ae mej eo an ilo 1844 n̄an kōm̧m̧ani ukoktak ko ke eaar kōpooje manuscript eo n̄an kōm̧m̧ane ilo bok. Men̄e eaar kōm̧m̧ani n̄an bok jet m̧ōttan ko an ukok in ilo iien mour eo an, e maron̄ in kar kōm̧m̧ani bar jet ukok ko eļan̄n̄e eaar mour n̄an kōm̧m̧ane ilo bok aolepān jerbal eo. Reorganized Church of Jesus Christ of Latter Day Saints eaar kōm̧m̧ane ilo bok edition eo kein kajuon in ukok eo ebab-laļ an Josep Smith ilo 1867 eo. Jen iien eo rekar kōm̧m̧ane ilo bok elōn̄ edition ko.

Rikanaan eo eaar katak elōn̄ men ko ilo iien eo ukok eo ar kōm̧m̧an. Elōn̄ jekjōn ko an Katak im Bujen Ko kar bōki kōn wōt jerbal in ukok eo an (n̄an waanjon̄ok K&B 76; 77; 91; im 132). Barāinwōt, Irooj ar leļo̧k n̄an Josep Smith naan in tōl ko kōn ukok eo, ko rekar ļo̧o̧ki ilo Katak im Bujen Ko (K&B 37:1; 45:60–61; 76:15–18; 90:13; 91; 94:10; 104:58; 124:89). Bok eo an Moses im Josep Smith—Matu, kiiō rekoba ilo Bōōr eo Eļap Wōņāān, kar bōki jān wōt Ukok eo an Josep Smith.

Ukok eo an Josep Smith ekar kōjepļaaktok jet ian men ko realikkar im aorōk im rekar jako jān Baibōļ eo (1 Ni. 13). Men̄e ej jab official Baibōļ eo an Kabun̄ in, ukok in ej letok elōn̄ meļeļe ko rekāitoktok-limo im ekanooj aorōk ilo meļeļe Baibōļ eo. Ej barāinwōt juon kam̧ool kōn kūr im ministry eo an Rikanaan Josep Smith.