Matu

Juon Rijjilōk an Jisōs Kraist im rijeje an bok eo m̧oktata ilo Kallim̧ur Ekāāl. Matu, juon riJu eo ekar juon ritōl ewōj n̄an riRom ilo Kaperneum, ekar bōlen pād ilo jerbal eo an Herod Antipōs. E rekar jeļā kake m̧okta jān oktak eo an bwe ej Livai, nein Alpiōs (Mark 2:14). Ejjab to ālikin kūr eo an n̄an erom juon rikaļooran Jisōs, eaar kōm̧m̧ane juon kwōjkwōj eo Irooj ar pād ie (Matu 9:9–13; Mark 2:14–17; Luk 5:27–32). Matu bōlen eļap an depakpak jeļā eo an kōn jeje ko rekwōjarjar jān Kallim̧ur Em̧or im ekar maron̄ in lo men dikdik otemjej kōn kūrm̧ool in kanaan ilo mour eo an Irooj. Kōn mour eo an Rijjilōk in tokālik jidik wōt jeļā kake. Juon bwebwenato ej ba bwe e ekar mej kōn tōmak eo an.