Immanuel

Juon iaan āt ko etan Jisōs Kraist. Ej itok jān naan ko in kajin Hibru meļeļeier “Anij ipped wōj.”

Immanuel ej juon et-taitōl kar leļo̧k āinwōt juon kakōļļe in lo̧mo̧o̧ren an Anij (Ais. 7:14). An Aiseia ekkōnono kake Immanuel ej kanooj meejļo̧k jān Matu āinwōt juon kanaan kōn ļotak tok eo an Jisōs ilo mour in (Matu 1:18–25). Āt in ej barāinwōt waļo̧k ilo jeje ko rekwōjarjar an raan kein āliktata (2 Ni. 17:14; 18:8; K&B 128:22).