M̧aanje

Ilo iien ko an petriak ro etto, ļaddik eo erūttotata ej m̧aanje (Jen. 43:33) im āindein ej jolete tōl baam̧le eo ilo iien eo jemān ej mej. M̧aanje eo ej aikuj tōllo̧ke n̄an bōk eddo in (1 Kron. 5:1–2) im emaron̄ jako jān m̧aanje eo an jān jab jim̧we.

Ium̧win kien Moses, m̧aanje in em̧m̧aan kar watōke bwe an Anij. M̧aanje eo ej bōk ruo alen m̧ōttan men ko m̧weien jemān (Dut. 21:17). Ālkin mej eo an jemān, ekar bōk eddo kōn oņaake eo an jinen im kōrā ro jatin.

M̧aanje in mennin mour ko rekar barāinwōt an Anij. Mennin mour ko rerreo kar kōjerbali n̄an katok, ak mennin mour ro rettoon remaron̄ kar lo̧mo̧o̧r er ak wiakaki ak m̧ani (Ex. 13:2, 11–13; 34:19–20; Liv. 27:11–13, 26–27).

M̧aanje eo ej kakōļļein Jisōs Kraist im ministry eo An ioon laļ, im kakememej armej bwe Messaia eļap enaaj kar itok (Moses 5:4–8; 6:63).

Jisōs ekar m̧aanjeen jetōb ro nejin Jemād Ilan̄, eo Nejin Emake Keotak in Jemān ilo kanniōk, im eo m̧oktata n̄an jerkak jān ro remej ilo Jerkakpeje eo (Kol. 1:13–18). Ro Rekwōjarjar rem̧ool rej erom ro uwaan Kabun̄ eo an M̧aanje ilo indeeo (K&B 93:21–22).