Āinwōt kōjerbale ilo jeje ko rekwōjarjar, n̄an pinmuur ej n̄an en̄taan kōn kaje kōn jerbal an jero̧wiwi, ilo wāween in ej kōm̧akūt jelōt ko an jero̧wiwi jān rijero̧wiwi eo ej ukeļo̧k im kōtļo̧k bwe e en kōllaajrak e n̄an Anij. Jisōs Kraist wōt emaron̄ kar kōm̧m̧ane juon pinmuur eo eweeppān n̄an aolep armej. E eaar maron̄ kōm̧m̧ane kōnke kar kāālet eo im ekkapit eo An m̧okta ilo Ko̧o̧njeļ eo Eļap m̧okta jān kar kōm̧anm̧ane laļ (Ether 3:14; Moses 4:1–2; Ebr. 3:27), kaninlan̄ eo An, im mour eo An ejjeļo̧k jero̧wiwi ie. Pinmuur eo An ekitbuuj An en̄taan kōn jero̧wiwi ko an armej otemjej, to̧o̧rļo̧k in Bōtōktōkin, im mej eo An im tokālik An jerkakpeje jān lōb eo (Ais. 53:3–12; Luk 22:44; Mosa. 3:5–11; Alma 7:10–13; K&B 19:16–19). Kōnke Pinmuur eo, aolep armej renaaj jerkak jān ro remej kōn ānbwin ko rej jab wabanban (1 Kor. 15:22). Pinmuur eo ej barāinwōt letok iaļ eo n̄an kōj bwe jen maron̄ bōk jeorļo̧k in jero̧wiwi ko ad im mour indeeo ippān Anij. A armej eo em̧ōj an tōpar dettan eo n̄an bōk eddo im em̧ōj an kar bōk kien eo emaron̄ bōki kōjeraam̧m̧an kein eļan̄n̄e wōt ewōr an tōmak ilo Jisōs Kraist, ej ukeļo̧k jān jero̧wiwi ko an, bōki kain̄i ko an mour indeeo, im pokaki kien ko an Anij. Ro rejjab tōpare dettan eo n̄an bōk eddo im ro rejjab bōk kien eo em̧ōj wiaik er kōn Pinmuur eo (Mosaia 15:24–25; Moro. 8:22). Jeje ko rekwōjarjar ealikkar aer katakin bwe eļan̄n̄e Kraist en kar jab pinmuur kōn jero̧wiwi ko ad, ejjeļo̧k kien, kain̄i, ak katok enaaj kar ņa wāween akweļap ko an jim̧we, im armej ejjāmin kar bar ro̧o̧l im̧aan mejān Anij (2 Ni. 2; 9).