Lōta eo n̄an RiKolosse

Juon bok ilo Kallim̧ur Ekāāl. Ilo jinoin ej juon lōta Rijjilōk Paul ekar je n̄an riKolosse ālikin an kar loļo̧k e jān Epapras, rievanjel an Kabun̄ eo ilo Kolosse (Kol. 1:7–8). Epapras eaar ba n̄an Paul ke riKolosse rekar wōtlo̧k ļo̧k ilo bōd ekanooj ļap—rekar ļōmņak bwe rekar em̧m̧anļo̧k jān armej ro jet kōnke rekar kōjparoki kain̄i ko rejedmatmat (Kol. 2:16), kaarmejjete er make jet ikdeelel ko an ānbwin, im kar kabun̄-jar n̄an enjeļ raņ (Kol. 2:18). Imminene kein rekar kōm̧m̧an bwe riKolosse ren en̄jake ke rekwōjarjar. Rekar barāinwōt ļōmņak bwe rekar meļeļe mennin ittino ko kōn universe eļapļo̧k jān ro bar jet uwaan Kabun̄ eo. Ilo lōta eo an, Paul eaar kajim̧we er jān an katakin er bwe lo̧mo̧o̧r ej itok wōt kōn Kraist im bwe jej aikuj mālōtlōt im jerbal n̄an E.

Jebta 1 ej naan in iakiakwe eo an Paul n̄an riKolosse. Jebta 2–3 rej pedped in katak im ewōr ie ennaan ko kōn Kraist āinwōt juon Rilo̧mo̧o̧r, kauwōtata eo kōn kabun̄-jar bōd, im aorōkin Jerkakpeje eo. Jebta 4 ej katakin bwe Ro Rekwōjarjar ren mālōtlōt ilo aolep men otemjeļo̧k.