Josep ļeo Nejin Jekab

Ilo Kallim̧ur Em̧or, m̧aanje em̧m̧aan eo nejin Jekab im Rejel (Jen. 30:22–24; 37:3).

Josep ar bōk jim̧we in m̧aanje eo ilo Israel kōnke Ruben, m̧aanje em̧m̧aan eo an lio pāleen Jekab m̧oktata, eaar jako jān e utiej in jān jero̧wiwi (1 Kron. 5:1–2). Kōnke eaar tōllo̧ke, Josep, āinwōt m̧aanje in em̧m̧aan eo nejin kōrā eo pāleen Jekab kein karuo, ekar eo tokālik ilo lain eo n̄an kōjeraam̧m̧an eo. Josep ekar barāinwōt bōk juon kōjeraam̧m̧an jān jemān ejjab to m̧okta jān an kar Jekab mej (Jen. 49:22–26).

Josep ekar juon em̧m̧aan eļap an em̧m̧an m̧wilin, juon armej in “ņojak im mālōtlōt” (Jen. 41:39). An kar eļļo̧k jān lio pāleen Potipar ej juon waanjon̄ok in tōmak, m̧wil erreo, im an jejjet (Jen. 39:7–12). Ilo Ijipt, ke Josep ar kwaļo̧k lukkuun wōn e n̄an ļōm̧aro jein, eaar kam̧m̧oolol er im jab ņa ruweer kōn wāween aer kar kōm̧m̧an n̄an e. Eaar tōmak bwe m̧akūtkūt ko aer raar jipan̄ kōtōprak ankilaan Anij (Jen. 45:4–15).

Revelesōn ilo raan ko āliktata ej kwaļo̧k mijen eļapļo̧k an baam̧le eo an Josep ilo raan ko āliktata (JS—Ukok, Jen. 50:24–38 [Appendix]; 2 Ni. 3:3–24; 3 Ni. 20:25–27).

Jekab ar kanooj ļap an iakwe Josep im kar leļo̧k n̄an e juon kopā in elōn̄ mōōr ko, Jen. 37:3.
Kōn wōt ebbanban ļōm̧aro jein Josep rekar dike e im kōttōbalbal n̄an m̧an e, a ijello̧kun raar wia kake e n̄an riwia ro, ro rekar ilo̧k ilo iaļ eo aer n̄an Ijipt, Jen. 37:5–36.
Ilo Ijipt, Irooj ar kōjeban Josep im eaar erom juon irooj in m̧weo im̧ōn Potipar, Jen. 39:1–4.
Lio pāleen Potipar eaar riab, im ba bwe Josep eaar kajjion̄ in babu ippān; Josep rekar ņa ruōn ilo bōd im kar likūt e ilo kalbuuj, Jen. 39:7–20.
Josep ar ukōti tōņak ko an rikōm̧m̧an dān eo im rikōmat eo Pero, Jen. 40.
Pero ar jino em̧m̧an n̄an Josep kōnke Josep ar ukōte juon ian tōņak ko an Pero; eaar kōm̧m̧an bwe Josep en juon irooj ioon Ijipt, Jen. 41:14–45.
Ipreim im Menassa rekar ļotak, Jen. 41:50–52.
Josep ar bar kobaļo̧k ippān jemān im ļōm̧aro jein im jatin, Jen. 45–46.
Josep ar mej ilo Ijipt ilo dettan eo 110 iiō, Jen. 50:22–26.