Jikuuļ eo an Rikanaan ro

Ilo Kirtland, Ohio (United States in Amedka), ilo an̄ōnean̄ in 1832–1833, Irooj ar jiron̄ Josep Smith n̄an kajutake juon jikuuļ n̄an jibadbad e n̄an kammineneik ritōl ro ilo aolep men ko rej ekkejelļo̧k n̄an gospel eo im aelōn̄ in Anij. Jān jikuuļ in ekar itok elōn̄ ian ritōl ro m̧okta an Kabun̄ in. Bar juon jikuuļ an rikanaan ro ak elder ro ekar kōm̧m̧an jān Parley P. Pratt ilo Jackson Kounty, Missouri (K&B 97:1–6). Jikuuļ ko āier wōt kein rekar kōm̧m̧ani ejjab etto ālikin wōt an Ro Rekwōjarjar kar em̧m̧akūtļo̧k n̄an Rilik; ijoke, jikuuļ kein ejjab to raar bōjrak. Katakin gospel eo rainin ej kōm̧m̧an ilo kapijukunen, doulul ko an priesthood eo, im ilo radik ko, im jikuuļ ko im kilaj ko an seminary im institute ilo Kabun̄ in.