Kōjatdikdik

Āinwōt kōjerbale ilo jeje ko rekwōjarjar, naan in kōjatdikdik ewōr ruo meļeļein: (1) an wōr juon kam̧ool, tōmak, ak lōke ilo juon men, eļaptata ilo Anij im Jisōs Kraist, im (2) kōtmāne eo ewōr lōke ie kōn im jan̄nuwaade eo kōn kōjeraam̧m̧an in wānōk ko em̧ōj kallim̧ur kaki.

Kam̧ool, tōmak, ak lōke

Kōtmāne

Ekkā an jeje ko rekwōjarjar ekkōnono kōn kōjatdikdik āinwōt juon kōtmāne kōn mour indeeo kōn tōmak ilo Jisōs Kraist.

Kom̧ aikuj bun̄m̧aanļo̧k, kōn juon kōjatdikdik emeram, 2 Ni. 31:20.
Lale bwe en wōr ami tōmak, kōjatdikdik, im iakwe-em̧ool, Alma 7:24 (1 Kor. 13:13; Moro. 10:20).
I kōņaan bwe kom̧in eo̧ron̄ naan ko aō, en wōr juon kōjatdikdik bwe kom̧ naaj bōk mour indeeo, Alma 13:27–29.
Eļan̄n̄e ewōr am̧ tōmak, kwōj kōjatdikdik kōn men ko jab loi, ko rem̧ool, Alma 32:21 (Hib. 11:1).
Kōjatdikdik ej itok jān tōmak im ej emjak eo n̄an jetōb, Ether 12:4 (Hib. 6:17–19).
Armej eaikuj kōjatdikdik n̄e jaab ej jamin bōk juon jolōt, Ether 12:32.
Mormon ekar kōnono kōn tōmak, kōjatdikdik, im iakwe-em̧ool, Moro. 7:1.
Kom̧ naaj kōjatdikdik kōn pinmuur eo an Jisōs Kraist n̄an jerkak n̄an mour indeeo, Moro. 7:40–43.
Jetōb Kwōjarjar ej koobrak eok kōn kōjatdikdik, Moro. 8:26 (Rom 15:13).