Lōta ko n̄an Timote

Paul ar je lōta eo m̧okta ālikin an kar kalbuuj jinointata. E m̧ōj an likūti Timote ilo Epesōs, im jibadbad eo n̄an ro̧o̧lļo̧k tokālik (1 Tim. 3:14). Ijoke, Paul ar ļōmņak enaaj kar to̧rto̧rlikļo̧k an ro̧o̧l, kōn menin ekar jeje n̄an Timote, bōlen jān Masedonia (1 Tim. 1:3), n̄an leļo̧k n̄an e kapilōk im rōjan̄ ilo kōtōprake ijo kuņaan.

Jebta 1 ewōr ie naan in iakiakwe ko an Paul im barāinwōt naan in tōl ko an kōn aņto̧o̧n ko rebwebwe im rekar deļo̧n̄tok ilo Kabun̄ eo. Jebta 2–3 rej letok tōl ko kōn kabun̄-jar im̧aan mejān armej im kōn m̧wil im m̧akūtkūt ko an minister ro. Jebta 4–5 ewōr ie juon kōmmeļeļe kōn maroklep eo ilo raan ko āliktata im naan in kapilōk eo n̄an Timote n̄an jipjipan̄ ro rej tōl. Jebta 6 ej juon naan in kōketak n̄an mālejjon̄e tōmak im eļļo̧k jān m̧weie ko an laļ.

Paul ar je lōta eo kein karuo ke ekar pād ilo kalbuuj alen kein karuo, ejjab to im̧aan an kar mej kōn tōmak eo an. Ewōr ie naan ko an Rijjilōk eo āliktata im ej kwaļo̧k peran em̧m̧anmōn eo im lōke ko me kaki e kar jelm̧ae mej.

Jebta 1 ewōr ie naan in iakiakwe ko an Paul im an kōmaron̄ n̄an Timote. Jebta 2–3 rej letok elōn̄ kakkōl ko im tōl ko, ippān juon kōperan eo n̄an jelm̧ae kauwōtata ko im̧aan. Jebta 4 ej juon ennaan n̄an ro jeran Paul, im ewōr ie juon naan in kapilōk kōn ekōjkan jerbale ro rej wōtlo̧k jān tōmak.