Josep ļeo Pāleen Meri

Ļeo Pāleen Meri, jinen Jisōs. Josep ekar juon bwijjin Devid (Matu 1:1–16; Luk 3:23–38) im ar jokwe ilo Nazeret. E ekar kallim̧ur n̄an m̧areik Meri. M̧okta wōt jān aerro m̧are, Meri eaar bōk juon loļo̧k jān enjeļ Gebriel, eo eaar kōjjeļā bwe Meri em̧ōj kar kāālete bwe en jinen Rilo̧mo̧o̧r (Luk 1:26–35). Josep ar barāinwōt bōk revelesōn kōn ļotak in jān lan̄ (Matu 1:20–25).

Meri ekar eo wōt jinen Jisōs ioon laļ kōnke Anij Jemān ekar jemān Jisōs. A riJu ro rekar ļōmņak kōn Josep āinwōt eo jemān Jisōs, im Jisōs ar lale e āinwōt in (Luk 2:48, 51). Kar kakkōle jān tōņak ko jān lan̄, Josep ar oņaake mour eo an nin̄nin̄ Jisōs jān an ko n̄an Ijipt (Matu 2:13–14). Ālikin an Herod kar mej, juon enjeļ ar jiron̄ Josep n̄an bōk ajri Kraist im ro̧o̧l n̄an Israel (Matu 2:19–23).