Paul

Juon Rijjilōk ilo Kallim̧ur Ekāāl. Etan Paul ilo kajin Hibru ej Saul, im ekar āt eo etan in m̧ae jinoin mijen eo an n̄an ro riAelōn̄ ko. M̧oktaļo̧k e kar kaen̄tanaane Kabun̄ eo a ekar oktaktok n̄an m̧ool eo ālikin an kar lo juon visōn in Jisōs Kraist. Paul ekar etal ilo jilu ito-itak eļap an mijenede im ekar je elōn̄ lōta ko n̄an Ro Rekwōjarjar. Jon̄oulemān ian lōta kein rej ejaake juon m̧ōttan ilo Kallim̧ur Ekāāl rainin. Āliktata rekar bōk e juon rikalbuuj n̄an Rom im kar m̧ane, emaron̄ kar ilo jinoin rak ilo Ā.K. 65.

Ekar errā n̄an kade Stipen, Jerb. 7:57–8:1.
Ekar kaen̄taan Ro Rekwōjarjar, Jerb. 8:3.
Ekar etal n̄an Damaskōs ke Jisōs ar waļo̧kļo̧k n̄an e, Jerb. 9:1–9.
Anenaiōs ekar peptaiji e, Jerb. 9:10–18.
Ālikin ar kar ilo̧k n̄an Arebia, eaar bar ro̧o̧l n̄an Damaskōs n̄an kwaļo̧k, Jerb. 9:19–25 (Gal. 1:17).
Jilu iiō ālikin oktak eo an, eaar jepļaak n̄an Jerusalem, Jerb. 9:26–30 (Gal. 1:18–19).
Ekar etal ilo jilu ito-itak an mijenede, im kwaļo̧k gospel eo im kajutak branch ko an Kabun̄ eo ilo elōn̄ m̧ōttan ko an laļ eo an riRom, Jerb. 13:1–14:26; 15:36–18:22; 18:23–21:15.
Ke eaar ro̧o̧l n̄an Jerusalem ālikin mijen eo an kein kajilu, rekar jibwe im jilkinļo̧k n̄an Seseria, Jerb. 21:7–23:35.
Ekar pād wōt juon rikalbuuj ilo Seseria ium̧win ruo iiō, Jerb. 24:1–26:32.
Kar jilkinļo̧k n̄an Rom n̄an ekajet im kar jorrāān wa eo waan ilo iaļ eo ļo̧k, Jerb. 27:1–28:11.