Kakōļļe
Āinwōt kōjerbale ilo jeje ko rekwōjarjar, naan in kakōļļe ewōr ruo meļeļein: (1) juon em̧m̧akūt ak imminene eo armej rej jeļā ke en kein kam̧ool ak rie n̄an juon men, im (2) n̄an kōjerbale juon men āinwōt jekjekin ak nemāmeen bar juon men.
Kein kam̧ool n̄an juon men
Juon kakōļļe ekkā an juon men ekabwilōn̄lōn̄ kaalikkare jān Anij. Setan barāinwōt ewōr an kajoor n̄an kwaļo̧ki kakōļļe ko ium̧win jet jekjek ko. Ro Rekwōjarjar reaikuj kappukot mennin letok ko an Jetōb ak rej jab aikuj kappukoti kakōļļe ko n̄an kabun̄-būruōn kajnōt ak rie tōmak. Ijello̧kun men in, Irooj enaaj litok kakōļļe ko āinwōt An lo ke ekkar n̄an ro rej lōke (K&B 58:64).
Jekjekin bar juon men
Kakōļļe ko ilo jeje ko rekwōjarjar ej kōjerbale juon men, m̧akūtkūt, ak jekjek jejeļā kake n̄an bōk jikin juon pedped ak n̄an katakin kōn gospel eo. N̄an waanjon̄ok, rikanaan Alma ilo Bok in Mormon eaar kōjerbale juon ine n̄an bōk jikin naan eo an Anij (Alma 32).
Rikanaan ro ilo aolepān jeje ko rekwōjarjar raar kōjerbali kakōļļe ko n̄an katakin kōn Jisōs Kraist. Jet iaan kakōļļe kein rekitbuuj ceremony ko im kain̄i ko (Moses 6:63), katok ko (Hib. 9:11–15; Moses 5:7–8), kwōjkwōj eo (JS—Ukok, Mark 14:20–24 [Appendix]; Luk 22:13–20), im peptaij (Rom 6:1–6; K&B 128:12–13). Elōn̄ āt ko ilo Baibōļ rej kakōļļe. Ceremony eo ilo em̧ nuknuk eo ilo Kallim̧ur Em̧or im kien Moses rekar bōk jikin m̧ool ko rej n̄an indeeo (Hib. 8–10; Mosa. 13:29–32; Alma 25:15; Hil. 8:14–15). N̄an waanjon̄ok ko, lale Matu 5:13–16; Jon 3:14–15; Jekab 4:5; Alma 37:38–45.