Pris Eutiej

Juon opij ilo priesthood eo. Jeje ko rekwōjarjar rej ekkōnono kōn “pris utiej” ilo ruo jekjek ko: (1) juon opij ilo Melkizedek Priesthood eo; im (2) ium̧win kien Moses, opij eo ej tōl an Priesthood eo an Aron.

Jekjek in kein kajuon ej jerbal n̄an Jisōs Kraist āinwōt Pris Utiej eo eļap. Adam im aolep petriak ro rekar barāinwōt pris utiej ro. Rainin, jilu pris utiej rej ejaake Presidency eo an Kabun̄ in im tōl aolep ro jet rej kabwijer priesthood eo im ro uwaan Kabun̄ in. Em̧m̧aan ro bar jet retōllo̧ke rej kapit er pris utiej ro āinwōt an ekkar ilo aolepān Kabun̄ in rainin. Pris utiej ro maron̄ in kūr er, kōjenolo̧k er, im kapit er āinwōt bisop ro (K&B 68:19; 107:69–71).

Ilo jekjek in kein karuo, ium̧win kien Moses, opija eo ej tōl an Priesthood eo an Aron kar kūr e pris utiej eo. Opij in ej itok kōn menmenbwij im ekar itok kōn m̧aanje eo ilubwiljin nokwe eo an Aron, Aron make ekar pris utiej eo kein kajuon ilo laajrak eo an Aron (Ex. 28–29; Liv. 8; K&B 84:18).