Livai

Jekab eaar kōjeraam̧m̧an Livai im ro bwijjin (Jen. 49:5–7, 28). Ro bwijjin Livai rekar jerbal ilo jikin ekwōjarjar ko an Israel (Bōn. 1:47–54). Aron ekar juon riLivai, im ro bwijjin rekar pris (Ex. 6:16–20; 28:1–4; 29). RiLivai ro rekar jipan̄ pris ro, ļōm̧aro nejin Aron (Bōn. 3:5–10; 1 Kiin̄ 8:4). Jet iien rekar jerbal āinwōt rikōjan̄jan̄ ro (1 Kron. 15:16; Nih. 11:22); m̧ani katok ko (2 Kron. 29:34; Ezra 6:20); im eļaptata jipan̄ ilo tampeļ eo (Nih. 11:16). RiLivai ro rekar ajeļo̧k er n̄an jerbal eo an Irooj n̄an kōm̧m̧ani kain̄i ko n̄an ro nejin Israel. RiLivai ro er make, rekar ajeļo̧k er ilo etan ro nejin Israel (Bōn. 8:11–22); āindein er rekar erom juon m̧weien Anij eāinjuon, kar leļo̧k n̄an E ilo jikin m̧aanje ro (Bōn. 8:16). Rekar jab jenolo̧k a rekar karreo n̄an opij eo aer (Bōn. 8:7–16). Er ekar ejjeļo̧k jikin aer jolōt ilo Kenean (Bōn. 18:23–24), a rekar bōk m̧ōttan jon̄oul eo (Bōn. 18:21), en̄oul ruwralitōk jikin kwelo̧k ko (Bōn. 35:6); im bōki m̧weien tūriam̧o ko an armej ro ilo iien kwōjkwōj ko (Dut. 12:18–19; 14:27–29).