Galili

Ilo iien ko etto im raan kein, juon district an Israel ituiōn̄ iturilikin Reba Jordan im Lom̧aļo im Galili. Galili enan̄in jiljinon̄oul m̧aiļ aetokan kōn jiln̄uul m̧aiļ depakpakin. Ilo raan ko etto, ekar wōr ie jet ian bwidej ko rem̧m̧antata im jikin kwelo̧k ko rejidik repoubtata ilo Israel. Iaļ ko reaorōk rej tōlļo̧k n̄an Damaskōs, Ijipt, im turear in Israel rej deblo̧ke tok Galili. Mejatoto eo ie im bwidej eo em̧m̧an ie rej kwaļo̧k eļap leen olive ko, wit, barli, im grep ko. Jikin eo̧n̄ōd ko iturin Lom̧aļo in Galili rej kwaļo̧k eļap m̧ōn̄ā ko kadiwōjiļo̧k n̄an laļ ko jet im rekar juon unjān eļap m̧weie. Rilo̧mo̧o̧r eaar joļo̧k eļap An iien ilo Galili.