Gospel ko

Ļo̧o̧k ko emān ak naan in kam̧ool ko kōn mour eo ilo kanniōk an Kraist im men ko reļļap rej ekkejelļo̧k n̄an ministry eo an im rej pād ilo bok ko emān ilo Kallim̧ur Ekāāl. Kar jeje jān Matu, Mark, Luk, im Jon, rej kam̧ool ko kar ļo̧o̧k er kōn mour eo an Kraist. Bok in 3 Nipai ilo Bok in Mormon ej ilo elōn̄ wāween ko āinwōt bok kien emān ilo Gospel ko ilo Kallim̧ur Ekāāl.

Bok ko ilo Kallim̧ur Ekāāl rekar jeje m̧oktata ilo kajin Grik. Naan in Grik n̄an gospel meļeļein “ennaan em̧m̧an.” Naan eo em̧m̧an ej bwe Jisōs Kraist em̧ōj An kar kōm̧m̧ane juon pinmuur eo me enaaj wiaik aolep armej jān mej im ņa wōņāān kajjojo ekkar n̄an jerbal ko an (Jon 3:16; Rom 5:10–11; 2 Ni. 9:26; Alma 34:9; K&B 76:69).

Lale barāinwōt Bōrokuk in Gospel ko ilo appendix eo.