Jona

Juon bok ilo Kallim̧ur Em̧or eo ej kōnono kōn juon men ilo mour eo an Jona. Jona make bōlen eaar jab je bok in. Ļōmņak eo eļap ilo bok in Jona ej bwe Jeova ej irooj ijoko jabdewōt im iakwe eo An ejjab dāpij wōt juon laļ ak armej.

Ilo jebta 1, Irooj ar kūr Jona n̄an kwaļo̧k naan n̄an Nineve. Ijello̧kun kōm̧m̧an āinwōt Irooj ar jiron̄, Jona ar ko kōn wa im juon ek eļap ar oran̄ļo̧k e. Ilo jebta 2, Jona ar jar n̄an Irooj, im ek eo ar ibburakeļo̧k ņa ioon bwidej em̧ōrā. Jebta 3 ej ļo̧o̧ke bwe Jona ar ilo̧k n̄an Nineve im ar kanaane jeepepļo̧k eo an. Ijoke, armej ro raar ukeļo̧k. Ilo jebta 4, Irooj ar lui Jona kōn an illu bwe Irooj ar lo̧mo̧o̧ren armej ro.

Jisōs ar katakin bwe an ek eo kar oran̄ļo̧k Jona ekar jerbal āinwōt juon men ej annan̄etok mej im jerkakpeje eo an Jisōs make (Matu 12:39–40; 16:4; Luk 11:29–30).