Raan in Jabōt

Juon raan ekwōjarjar kōjenolo̧ke kajjojo wiik n̄an kakkije im kabun̄-jar. Ālikin an Anij kar kōm̧anm̧an men ko otemjeļo̧k, E eaar kakkije ilo raan eo kein kajiljilimjuon im jiron̄ bwe juon raan kajjojo wiik ej juon raan in kakkije im jipan̄ armej kakememej E (Ex. 20:8–11).

M̧okta jān Jerkakpeje eo an Kraist, ro uwaan Kabun̄ eo raar kōjparok raan eo āliktata ilo wiik eo āinwōt juon Jabōt, āinwōt kar riJu ro. Ālikin Jerkakpeje eo, ro uwaan Kabun̄ eo, jekdo̧o̧n n̄e riJu ak ro riAelōn̄ ko, raar kōjparok raan eo m̧oktata ilo wiik eo (Raan eo an Irooj) n̄an keememej Jerkakpeje eo an Irooj. Kabun̄ in rainin ej wōnm̧aanļo̧k wōt im kōjparok juon raan kajjojo wiik āinwōt juon raan in jabōt ekwōjarjar n̄an kabun̄-jar n̄an Anij im kakkije jān jerbal ko an laļ.

Jabōt eo ej kakememej armej kōn aer aikuj kōn kanin jetōb im ijo kuņaer n̄an pokake Anij. N̄e juon laļ ej eddekļo̧k ilo jab tiljek ilo kōjparok Jabōt, aolep jekjek ko an mour rej jelōti im mour in kabun̄ eo ej kōt (Nih. 13:15–18; Jer. 17:21–27).