Ezra
Juon pris im rijeje ilo Kallim̧ur Em̧or eo ekar bōktok jet ian riJu ro n̄an Jerusalem jān kōm̧akoko an riBabilon (Ezra 7–10; Nih. 8; 12). Ilo 458 M.K. eaar bōk mālim jān Artaxerxes, kiin̄ in Pōrsia, n̄an bōk n̄an Jerusalem jabdewōt riJu ro kar bōke er im rekar kōņaan etal (Ezra 7:12–26).
M̧okta jān iien eo an Ezra, pris ro renan̄in kar bōk aolep eddo ioon kōnono jān jeje ko rekwōjarjar kar aini etaer “kien” eo. Ezra ar jipan̄ kōm̧m̧an bwe jeje ko rekwōjarjar ren peļļo̧k n̄an aolep riJu. Kōnono jān “bok in kien eo” āliktata ekar erom men eo eaorōk ilo mour eo an aolepān laļ eo an riJu. Bōlen katak eo eaorōktata an Ezra ekar itok jān waanjon̄ok eo an make ilo an kōpooj būruōn n̄an kappukot kien en Irooj, n̄an pokake e, im n̄an katakin ro jet kake (Ezra 7:10).
Bok in Ezra
Jebta 1–6 rej kōmmeļeļeik men ko reļļap rekar waļo̧k jān jiljinon̄oul n̄an ruwalitōkn̄oul iiō m̧okta jān an Ezra kar ļāwōdeļo̧k Jerusalem—kean̄ eo an Sairōs ilo 537 M.K. im jepļaakļo̧k eo an riJu ro ium̧win Zirubbabel. Jebta 7–10 rej kwaļo̧k ewi wāween an Ezra kar etal n̄an Jerusalem. E, ippān jar ko ippān, rekar jitlo̧k im jar kōn oņaake. Ilo Jerusalem rekar lo elōn̄ armej in Ju ro rekar etal n̄an Jerusalem m̧oktaļo̧k ium̧win Zirubbabel im kar m̧are ippān kōrā ro itulikin bujen eo im kōn menin kar kattoone er make. Ezra ar jar kōn er im likūt er ium̧win bujen eo n̄an bōk peba in jepel n̄an kōrā ro pāleer. Bwebwenato eo ālik kōn Ezra jej lo ilo bok in Nihimaia.