Juon iien em̧m̧ao elur ippān Anij eo me ie juon armej ej leļo̧k kam̧m̧oolol ko im kajjitōk kōn kōjeraam̧m̧an ko. Jar ko rej n̄an Jemād Ilan̄ ilo etan Jisōs Kraist. Jar kein remaron̄ waļo̧k ilo naan eļļaaj ak ikōn̄. Ļōmņak ko an juon armej remaron̄ barāinwōt juon jar eļan̄n̄e rej kaiokļo̧k Anij. Juon al an ro rewānōk emaron̄ juon jar n̄an Anij (K&B 25:12).
Jibadbad eo an jar ej jab n̄an ukōte ankilaan Anij, a n̄an ko̧koņ n̄an kōj im n̄an ro jet kōjeraam̧m̧an ko Anij ededeļo̧k an m̧ōņōņō in kōtļo̧kitok, a ko jeaikuj kajjitōki n̄an maron̄ bōk i.
Jej jar n̄an Jemād ilo etan Kraist (Jon 14:13–14; 16:23–24). Je maron̄ lukkuun jar ilo etan Kraist n̄e ļōmņak ko ad rej ļōmņak ko an Kraist (Jon 15:7; K&B 46:30). Innām jej kajjitōk kōn men ko rejim̧we im āindein Anij emaron̄ kōtļo̧kitok (3 Ni. 18:20). Jet jar rej pād wōt ilo an ejjeļo̧k uwaakier kōnke rej ilo ejjeļo̧k wāween ņa jikin kōņaan ko an Kraist a rej jarjar jān juwa eo an armej (Jemes 4:3; K&B 46:9). Em̧ool, eļan̄n̄e jej kajjitōk ippān Anij kōn men ko rejim̧we, oktan men in enaaj juon mennin liaakeļo̧k kōj (K&B 88:65).