Nipai ļeo Nejin Liai

Ilo Bok in Mormon, juon em̧m̧aan ejim̧we nejin Liai im Saraia (1 Ni. 1:1–4; 2:5). Nipai ekar wōr an tōmak ekajoor ilo naan eo an Anij (1 Ni. 3:7) im ekar erom juon rikanaan eļap, juon rikōjparok ļo̧o̧k, im ritōl eļap an armej ro an.

Eaar pokake im jar ilo tōmak, 1 Ni. 2:16.
Eaar ro̧o̧lļo̧k n̄an Jerusalem n̄an bōki pileij brass ko, 1 Ni. 3–4.
Eaar ro̧o̧lļo̧k n̄an Jerusalem n̄an bōktok baam̧le eo an Ishmael ilo āne jem̧aden, 1 Ni. 7.
Eaar bōk ejja visōn eo wōt Liai eaar bōke, 1 Ni. 10:17–22; 11.
Eaar lo ilo visōn ilju eo an armej ro an im jepļaaktok eo an gospel eo, 1 Ni. 12–13.
Eaar ukōte visōn in wōjke in mour eo, 1 Ni. 15:21–36.
Eaar bwilo̧ke lippo̧ņ eo an ak kōn tōmak eaar maron̄ ellolo m̧ōn̄ā, 1 Ni. 16:18–32.
Eaar jek juon wa im jerak n̄an āneen kallim̧ur, 1 Ni. 17–18.
RiNipai im riLeman ro rekar jepelļo̧k, 2 Ni. 5.
Eaar kwaļo̧k naan in kam̧ool eo āliktata, 2 Ni. 33.

Bok in 1 Nipai

Jebta 1 n̄an 18:8 eļap wōt aer ekkōnono kōn an rikanaan Liai im baam̧le eo an likūti Jerusalem. Rekar ito-itak lo āne ko rem̧ōrā im lo̧urō m̧ae aer kar tōpar lo̧jet. 1 Nipai 18:9–23 rej ba kōn jerak eo aer n̄an juon āneen Kallim̧ur, āinwōt an Irooj kar tōl er, mekarta jum̧ae eo an Leman im Lemuel. Jebta 19–22 rej ba kōn unin an Nipai kōjparok ļo̧o̧k eo (1 Ni. 6; 19:18)—n̄an karreel aolep n̄an keememej Irooj ar Ripinmuur. Eaar kiiltok Aiseia (1 Ni. 20–21) im ukōti ennaan ko an Aiseia, kōn kōjatdikdik eo bwe aolep ren maron̄ itok n̄an jeļā Jisōs Kraist āinwōt juon aer Rilo̧mo̧o̧r im Ripinmuur (1 Ni. 22:12).

Bok in 2 Nipai

Jebta 1–4 ewōr ie katak ko im kanaan ko āliktata an Liai m̧okta jān mej eo an, ekitbuuj kōjeraam̧m̧an ko an ioon ļōm̧aro nejin im ro bwijjier. Jebta 5 ej kōmmeļeļeik etke riNipai ro make rekar kōjepelļo̧k er jān riLeman ro. RiNipai ro raar kalōke juon tampeļ, katakin kōn kien Moses, im kōjparok ļo̧o̧k ko. Jebta 6–10 ewōr ie naan ko an Jekab, ļeo edikļo̧k jatin Nipai. Jekab eaar bar etale bwebwenato e an Juda im kanaan kōn Messaia eo, jet iaan meļeļe ko me kar bōki jān jeje ko an rikanaan Aiseia. Ilo Jebta 11–33 Nipai ar ļo̧o̧ke naan in kam̧ool eo an kōn Kraist, kanaan eo an Jekab, kanaan ko kōn raan ko āliktata, im elōn̄ Jebta ko jān Kallim̧ur Em̧or bok in Aiseia.