Jeremaia

Jebta 1–6 ewōr ie kanaan ko kar liļo̧k ilo iien irooj ko an Josaia. Jebta 7–20 rej kanaan ko ilo iien eo an Jehoiakim. Jebta 21–38 Rej ekkōnono kōn iien irooj ko an Zedekaia. Jebta 39–44 ewōr ie kanaan ko im rej kōmmeļeļeik men ko reļļap ilo bwebwenato ālikin wōtlo̧k eo an Jerusalem. Jebta 45 ewōr ie juon kallim̧ur n̄an Baruk, rijeje eo an, bwe mour eo an Baruk naaj oņaake. Āliktata, jebta 46–51 rej kanaan ko ņae laļ ko ilikin. Jebta 52 ej juon kōjjem̧ļo̧k in bwebwenato. Jet ian kanaan ko an Jeremaia rekar pād ilo pileij brass ko an Leban im Nipai eaar kōjparoki (1 Ni. 5:10–13). Jeremaia em̧ōj barāinwōt ba kake ruo bar alen ilo Bok in Mormon (1 Ni. 7:14; Hil. 8:20).

Bok in Jeremaia ej barāinwōt kitbuuj juon kile kōn ar armej kar mour m̧okta jān itok n̄an laļ in im ekkapit eo an Jeremaia m̧oktaļo̧k (Jer. 1:4–5); juon kanaan kōn ro̧o̧l eo an Israel jān ļamļam in ejjeplōklōk eo aer, ainitok eo an juon jān juon jikin kwelo̧k im ruo ian juon baam̧le n̄an Zaion, juon āne em̧m̧anmōn ijo Israel im Juda remaron̄ jokwe ilo jokane im aenōm̧m̧an (Jer. 3:12–19); im juon kanaan kōn an Irooj aintok Israel jān āne ko iōn̄ jān jilkinļo̧k elōn̄ “rieo̧n̄ōd ro” im “kakidudu ro” n̄an pukot er (Jer. 16:14–21). Men in eļap an raan ko āliktata enaaj ļapļo̧k ilo dettan eo an jān em̧ool an kar Moses bōkļo̧k Israel jān Ijipt (Jer. 16:13–15; 23:8).