RiSameria

Armej ro ilo Baibōļ rekar jokwe ilo Sameria ālikin kar jibwe aelōn̄ in kiin̄ eo an Israel ituiōn̄ jān riAssiria ro. RiSameria rekar jimattan riIsrael im jimattan riAelōn̄ ro. Kabun̄ eo aer ekar kabodān in tōmak ko im imminene ko an riJu im ripegan. Būrabōļ eo kōn riSameria eo em̧m̧an ilo Luk 10:25–37 ej kwaļo̧k matōrtōr eo riJu ro rekar kaddōk e kōn riSameria ro kōnke riSameria ro rekar jekadļo̧k jān kabun̄ eo an riIsrael. Irooj ekar jiron̄ Rijjilōk Ro n̄an katakin gospel eo n̄an riSameria ro (Jerb. 1:6–8). Pilip ekar kanooj ļap tōprak in an kar kwaļo̧k gospel eo an Kraist n̄an armej in Sameria im kar kōm̧m̧an elōn̄ mennin bwilōn̄ ko ilubwiljier (Jerb. 8:5–39).