Erreo ilo bōro (K&B 97:21). Zaion meļeļein barāinwōt ej juon jikin ijo ro erreo burueer rej jokwe. Jikin kwelo̧k eo ekkal in Inok im armej ro an im āliktata kar bōke n̄an lan̄ kōnke wānōk eo an kar likūt etan Zaion (K&B 38:4; Moses 7:18–21, 69). Ilo raan ko āliktata jikin kwelo̧k eo etan Zaion naaj kalōke epaakeļo̧k Jackson Kounty, Missouri (United States in Amedka), eo n̄an e naaj ainiļo̧k bwij ko bwijjin Israel (K&B 103:11–22; 133:18). Ro Rekwōjarjar em̧ōj kapilōke er n̄an kalōk Zaion ijoko jabdewōt rej jokwe ie ilo laļ in.