Nauvoo, Illinois (Amedka)

Juon jikin kwelo̧k kajutak jān Ro Rekwōjarjar ilo Raan Ko Āliktata ilo 1839 ilo bukwōn in Illinois. Ej pād wōt ioon Reba Mississippi, enan̄in 200 m̧aiļ lōn̄ļo̧k ilo reba in jān St Louis.

Jān wōt kar matōrtōr ko lo bukwōn in Missouri, Ro Rekwōjarjar raar em̧m̧akūt enan̄in 200 m̧aiļ n̄an tuiōn̄-turear, turājet jān Reba Mississippi, im ļo̧k ilo Illinois, ijo raar lo eļapļo̧k jekjek ko rem̧m̧an. Āliktata, Ro Rekwōjarjar raar wia bwidej epaakeļo̧k jikin kwelo̧k in Commerce ijo ejjan̄in kar wōr ekkal ie. Bwidej in ekar āne jem̧aden pat eo ekar wōr wōt jejjo em̧ reļam waan ie. Ro Rekwōjarjar raar kōto̧o̧rļo̧k dān eo jān bwidej eo im kajutaki m̧ōko kabijukneer. Josep Smith ar kōm̧akūt baam̧le eo an ļo̧k n̄an juon em̧ edik kōm̧m̧anjān dipiio in wōjke. Etan jikin kwelo̧k in Commerce ar oktak n̄an Nauvoo, itok wōt jān naan in Hibru in “wūlio.”

Elōn̄ jekjōn ko an Katak im Bujen Ko rekar ļo̧o̧ki ilo Nauvoo (K&B 124–129; 132; 135). Ro Rekwōjarjar kar jiron̄ er n̄an kalōk juon tampeļ ilo Nauvoo (K&B 124:26–27). Rekar kalōke tampeļ eo im karōki stake ko an Zaion m̧okta jān kar lukwarkware er jān kabijuknen ko aer ilo 1846. Āinwōt juon waļo̧kin matōrtōr in, Ro Rekwōjarjar rekar likūt ijin im jino iaļ eo aer n̄an rilik.