Jeorļo̧k Bōd

Āinwōt kōjerbale ilo jeje ko rekwōjarjar, n̄an jeorļo̧k bōd ekkā meļeļein juon ian men kein ruo: (1) N̄e Anij ej jeorļo̧k bōd an armej, Ej m̧anļo̧k ak joļo̧k kaje eo naaj kar aikuji kōn jero̧wiwi eo. Kōn Pinmuur eo an Kraist, jeorļo̧k jero̧wiwi ko epojak n̄an aolep ro rej ukeļo̧k, ijello̧kun wōt ro ewōr ruweer kōn uror ak jero̧wiwi eo eban jeore ņae Jetōb Kwōjarjar. (2) Ilo an armej jeorļo̧k an doon bōd, rej lale doon kōn iakwe āinwōt eo an Kraist im juļo̧k en̄jake ko renana aer ņae ro raar kainepataik er (Matu 5:43–45; 6:12–15; Luk 17:3–4; 1 Ni. 7:19–21).

Jeorļo̧k m̧uri ko am, āinwōt kōmij jeorļo̧k an armej m̧uri, Matu 6:12 (Luk 11:4; 3 Ni. 13:11).
Nejin Armej ewōr an kajoor n̄an jeorļo̧k jero̧wiwi ko, Matu 9:6 (Matu 18:35; Mark 2:10; Luk 5:20–24).
Jete alen an naaj jeiū im jatū jero̧wiwi ņae eō, im in jeorļo̧k an bōd, Matu 18:21–22 (K&B 98:40).
Eo ej blaspim ņae Jetōb Kwōjarjar ejjeļo̧k an jeorļo̧k bōd, Mark 3:29 (Alma 39:6).
Eļan̄n̄e jeiūm̧ im jatūm ej bōd ņae eok im ukeļo̧k, jeorļo̧k an bōd, Luk 17:3.
Jema jeorļo̧k aer bōd, bwe rejaje ta rej kōm̧m̧ane, Luk 23:34.

Eo ej ukeļo̧k im ļoori kien ko naaj jeorļo̧k an bōd, K&B 1:32.
Bun̄raake sickle eo am, im jero̧wiwi ko am naaj jeoriļo̧k, K&B 31:5 (K&B 84:61).
Eo eaar ukeļo̧k jān jero̧wiwi ko an jeorļo̧k an bōd, im N̄a, Irooj, ij jamin bar keememeji, K&B 58:42.
Inaaj jeorļo̧k an bōd eo Inaaj jeorļo̧k an bōd, a n̄an kom̧ emennin aikuj bwe kom̧in jeorļo̧k bōd an aolep armej, K&B 64:10.
Toun wōt ami kar jeorļo̧k an doon bōd, em̧ool āindein N̄a, Irooj, ij jeorļo̧k ami bōd, K&B 82:1.
Ro Ij iakwe Ij barāinwōt kauweik er bwe jero̧wiwi ko aer ren maron̄ jeoriļo̧k, K&B 95:1.