Devid

Kiin̄ eo an Israel etto ilo Kallim̧ur Em̧or.

Devid ekar juon em̧m̧aan nejin Jesse jān bwij eo an Juda. E eaar juon jo̧dikdik eperan eo ekar m̧an juon ļaioon, juon kidu bear, im armej ineea eo an riPilistia Golaiat (1 Sam. 17). Devid kar kāālet e im kapit e bwe en kiin̄ an Israel. Āinwōt Saul, ilo mour eo an ke ej rūtto ekar ļap ruōn kōn men ko rekanooj nana, a, āinjuon jān Saul, ekar wōr ippān būrom̧ōj em̧ool. Kōn menin ekar maron̄ lo jeorļo̧k bōd, ijello̧kun wōt uror eo an Uraia (K&B 132:39). Mour eo an emaron̄ ajej ilo emān m̧ōttan ko: (1) ilo Betleem, ijo ekar juon seperd (1 Sam. 16–17); (2) ilo m̧weo im̧ōn Kiin̄ Saul (1 Sam. 18:1–19:18); (3) āinwōt juon riko (1 Sam. 19:18–31:13; 2 Sam. 1); (4) āinwōt kiin̄ ioon Juda ilo Hibron (2 Sam. 2–4), im tokālik āinwōt kiin̄ ioon aolepān Israel (2 Sam. 5–24; 1 Kiin̄ 1:1–2:11).

Jero̧wiwi in ļōn̄ eo an Devid ippān Batshiba ekar itok ilo̧kan tok jet jerata ko rekar ko̧kkure iiō ko ron̄oul āliktata in mour eo an. Aolepān laļ eo ilo dipiio ekar jeraam̧m̧an ilo iien irooj eo an, a Devid make ekar en̄taan jān waļo̧k ko an jero̧wiwi ko an. Poktak an nukwin eo ekar jab bōjrak, eo me, ilo case eo an Absalom im Adonija, ekar jem̧ļo̧k im jum̧ae eo ekar jedmatmat. Men kein rej juon kūrm̧ool in kean̄ eo an Netan rikanaan eo ioon Devid kōnke jero̧wiwi eo an (2 Sam. 12:7–13).

Mekarta ko̧kkure kein, iien irooj eo an Devid ekar kanooj in em̧m̧an ilo aolepān bwebwenatoin Israel, bwe (1) eaar kakobaik aolep bwij ko n̄an juon wōt laļ, (2) eaar dāpij ilo ejjeļo̧k poktak laļ eo bwe an, (3) eaar likūt kien eo ioon kabun̄ eo em̧ool bwe ankilaan Anij en kakien eo an Israel. Kōn un kein, iien irooj eo an Devid tokālik kar watōke bwe ekar tōrean eo em̧m̧an (golden age) an Israel im juon ļamļam (type) in tōrean eo eaiboojoj n̄e Messaia eo enaaj itok (Ais. 16:5; Jer. 23:5; Eze. 37:24–28).

Mour eo an Devid ej kwaļo̧k aikuj eo bwe aolep armej ren niknik ilo jim̧we n̄an jem̧ļo̧kin. Āinwōt juon jo̧dikdik, rekar ba kake bwe ej juon armej ilo̧kan “būruōn Irooj make” (1 Sam. 13:14); āinwōt juon em̧m̧aan, eaar ekkōnono kōn Jetōb im ekar lōn̄ revelesōn ko ekar bōki. A ekar kōļļā wōņāān eo eļap kōn jab pokake eo an n̄an kien ko an Anij (K&B 132:39).