Enjeļ

Ewōr ruo jekjek in ānbwin ko ilo lan̄ me etaer enjeļ: ro rej jetōb im ro ewōr ānbwin ko in kanniōk im di. Enjeļ ro rej jetōb rejjan̄in kar bōk juon ānbwinnin kanniōk im di, ak rej jetōb ko kar juon iien ar wōr ānbwinnin kanniōk ippāer im rej kōttare jerkakpeje eo. Enjeļ ro ewōr ānbwin ko in kanniōk im di em̧ōj aer jerkakpeje jān ro remej ak oktak ilo būkkinkwōle ilo rom.

Elōn̄ eoon ko ilo jeje ko rekwōjarjar rej kōnono kōn jerbal ko an enjeļ raņ. Jet iien enjeļ raņ rej kōnono kōn ainikien jourur ilo aer bōktok ennaan ko an Anij (Mosa. 27:11–16). Armej ro rewānōk ilo mour in remaron̄ bar ān̄inn̄in er enjeļ raņ (JS—Ukok, Jen. 19:15 [Appendix]). Jet enjeļ rej jerbal ipeļaakin tūroon eo an Anij ilo lan̄ (Alma 36:22).

Jeje ko rekwōjarjar rej barāinwōt kōnono kōn enjeļ raņ an devil. Er rein jetōb ro im raar ļoore Lucifer im kar kadiwōjļo̧k er jān im̧aan mejān Anij ilo mour eo m̧okta jān laļ in im kar jolaļļo̧k n̄an laļ (Rev. 12:1–9; 2 Ni. 9:9, 16; K&B 29:36–37).

Priesthood eo an Aron ej kabwijer ki ko an jerbal ko an enjeļ raņ, K&B 13.
Moronai, Jon Peptaij, Piter, Jemes, Jon, Moses, Ilaija, im Elias raar aolep jerbal ippān Josep Smith āinwōt enjeļ, K&B 27:5–12.
Kom̧ij jab maron̄ bōke jerbal ko an enjeļ raņ, K&B 67:13.
Maikeel, arkenjeļ eo, ej Adam, K&B 107:54.
Enjeļ rej ro em̧ōj aer jerkakpeje, im ewōr aer ānbwin ko an kanniōk im di, K&B 129.
Ejjeļo̧k enjeļ ro rej jerbal n̄an laļ in ijello̧kun wōt ro kappe er n̄an e, K&B 130:5.
Armej ro rej jab pokake kien m̧are ejjeļo̧k jem̧ļo̧kin an Anij rej jab m̧are im jab leļo̧k er ilo m̧are a rej jitōn̄ er enjeļ ro ilo lan̄, K&B 132:16–17.