Jekjōn 13
Juon m̧ōttan jeje jān bwebwenato eo an Josep Smith ej tepiaaketok ekkapit eo an Rikanaan eo im Oliver Cowdery n̄an Priesthood eo an Aron epaakeļo̧k Harmony, Pennsylvania, Māe 15, 1829. Ekkapit in eaar kōm̧m̧an jān pein enjeļ eo eaar kōjjeļā ke etan Jon, ejja eo wōt kar ņa etan Jon Peptaij ilo Kallim̧ur Ekāāl. Enjeļ eo eaar kōmmeļeļe bwe eaar m̧akūtkūt ium̧win tōl an Piter, Jemes, im Jon, Rijilōk ro etto, ro rekar kabwijer ki ko an priesthood eo eutiejļo̧k, eo kar ņa etan Priesthood eo an Melkizedek. Kallim̧ur eo kar leļo̧k n̄an Josep im Oliver bwe ilo iien eo ekkar priesthood in eutiejļo̧k naaj kar likūt io̧erro. (Lale jekjōn 27:7–8, 12.)
Ki ko im kajoor ko an Priesthood eo an Aron rej kōllaajraki ijin.
1 Ioomiro ro rikarejera, ilo etan Messaia Ij likūt Priesthood eo an Aron, eo ej kabwijer ki ko an kōjeraam̧m̧an ko an enjeļ raņ, im an gospel in ukeļo̧k eo, im an peptaij jān tulo̧k n̄an jeorļo̧k in jero̧wiwi ko; im men in naaj jamin bar bōke jān laļ, m̧ae em̧m̧aan ro nejin Livai rej bar katok juon katok n̄an Irooj ilo jim̧we.