Jekjōn Ko

Jeje Ko Rekwojarjar

Katak im Bujen Ko

Men Ko Kobban
Kadkad In im Laajrak in Karōkan
Jekjōn Ko
Kean̄ ko Jān Kabun̄

Jekjōn Ko

Jekjōn 1
1–7, Ainikien kakkōl eo ej n̄an aolep armej; 8–16, Bun̄ jān tōmak im nana rej itok m̧okta jān Itok eo Kein Karuo; 17–23, Josep Smith ej kūri n̄an kōjepļaaktok n̄an laļ m̧ool im kajoor ko an Irooj; 24–33, Bok in Mormon ej wōnm̧aantak im Kabun̄ eo em̧ool ej jutak; 34–36, Aenōm̧m̧an naaj bōkļo̧k jān laļ; 37–39, Lin̄ōri kien kein.
Jekjōn 2
1, Ilaija ej itōn kwaļo̧k priesthood eo; 2–3, Kallim̧ur ko an ro jemāer rej kalbwini ibūruōn ro nejier.
Jekjōn 3
1–4, Iaļ eo an Irooj ej juon iaļ ejjeļo̧k jem̧ļo̧kin; 5–15, Josep Smith eaikuj ukeļo̧k ak m̧wijkōk jān mennin leļo̧k eo n̄an ukok; 16–20, Bok in Mormon ej wōnm̧aantak n̄an lo̧mo̧o̧ren ineen Liai.
Jekjōn 4
1–4, Jerbal peran ej lo̧mo̧o̧ren minister ro an Irooj; 5–6, Bōnjān ko an Anij ej kwaļo̧k ke rekkar n̄an jerbal in; 7, Men ko an Anij reaikuj pukoti.
Jekjōn 5
1–10, Epepen in enaaj bōk naan eo an Irooj kōn Josep Smith; 11–18, Jilu rikam̧ool renaaj kam̧ool kōn Bok in Mormon; 19–20, Naan eo an Irooj naaj bar kam̧oole āinwōt ilo iien ko m̧oktaļo̧k; 21–35, Martin Harris emaron̄ ukeļo̧k im juon ian rikam̧ool ro.
Jekjōn 6
1–6, Rijerbal ro ilo meļaaj an Irooj rej bōk lo̧mo̧o̧r; 7–13, Ejjeļo̧k mennin letok eļapļo̧k jān mennin letok in lo̧mo̧o̧r; 14–27, Juon kam̧ool kōn m̧ool eo ej itok jān kajoor eo an Jetōb; 28–37, Reilo̧k n̄an Kraist, im kōm̧m̧an wōt em̧m̧an.
Jekjōn 7
1–3, Jon eo Ejitōnbōro enaaj mour m̧ae iien Irooj ej itok; 4–8, Piter, Jemes, im Jon rej kabwijer ki ko an gospel in.
Jekjōn 8
1–5, Revelesōn ej itok jān kajoor eo an Jetōb Kwōjarjar; 6–12, Jeļāļo̧kjeņ kōn mennin ittino ko an Anij im kajoor eo n̄an ukōti ļo̧o̧k in etto ko ej itok jān tōmak.
Jekjōn 9
1–6, Bar jet ļo̧o̧k ko rej jan̄in ukok; 7–14, Bok in Mormon ej ukok jān ekkatak im jān kabab-laļ an jetōb.
Jekjōn 10
1–26, Setan ej pukwōj em̧m̧aan ro renana n̄an jum̧ae jerbal eo an Irooj; 27–33, E ej pukpukot n̄an ko̧kkure jetōb ko an armej; 34–52, Gospel eo ej itōn ilo̧k ilo̧k n̄an riLeman ro im laļ ko otemjeļo̧k kōn Bok in Mormon; 53–63, Irooj enaaj kajutak Kabun̄ eo An im gospel eo An ilubwiljin armej raņ; 64–70, E naaj aintok ro rej ukeļo̧k n̄an ilowaan Kabun̄ eo An im naaj lo̧mo̧o̧ren ro rej pokake.
Jekjōn 11
1–6, Rijerbal ro ilo jikin kallib grep eo renaaj bōk lo̧mo̧o̧r; 7–14, Kappukot mālōtlōt, lam̧ōj ukeļo̧k, lōke Jetōb eo; 15–22, Kōjparok kien ko, im ekkatak naan eo an Irooj; 23–27, Jab kaarmejjete jitōbōn revelesōn im jitōbōn kanaan; 28–30, Ro rej bōk Kraist rej erom m̧aan ro nejin Anij.
Jekjōn 12
1–6, Rijerbal ro ilo jikin kallib grep in rej itōn bōk lo̧mo̧o̧r; 7–9, Aolep ro rekōņaan im rej tōllo̧ke remaron̄ jipan̄ ilo jerbal eo an Irooj.
Jekjōn 13
Ki ko im kajoor ko an Priesthood eo an Aron rej kōllaajraki ijin.
Jekjōn 14
1–6, Rijerbal ro ilo jikin kallib grep eo renaaj bōk lo̧mo̧o̧r; 7–8, Mour indeeo ej eļaptata ian mennin letok ko an Anij; 9–11, Kraist eaar kōm̧anm̧an lan̄ ko im laļ.
Jekjōn 15
1–2, Pein Irooj ej ioon aolepān laļ; 3–6, N̄an kwaļo̧k naan kōn gospel eo im lo̧mo̧o̧ren armej raņ ej men eo eaorōk tata.
Jekjōn 16
1–2, Pein Irooj ej ioon aolepān laļ; 3–6, N̄an kwaļo̧k naan kōn gospel eo im lo̧mo̧o̧ren armej raņ ej men eo eaorōk tata.
Jekjōn 17
1–4, Jān tōmak Rikam̧ool Ro Jilu renaaj lo pileij ko im bar jet men ko rekwōjarjar; 5–9, Kraist ej letok naan in kam̧ool eo ke Bok in Mormon ej jān lan̄.
Jekjōn 18
1–5, Jeje ko rekwōjarjar rej kwaļo̧k wāween kalōk Kabun̄ eo; 6–8, Laļ ej kalo ilo nana; 9–16, Aorōk eo an jetōb ko eļap; 17–25, N̄an bōk lo̧mo̧o̧r, armej reaikuj bōk ioer etan Kraist; 26–36, Kūr eo im mijen eo an Ro Jon̄oulruo ej kwaļo̧ki; 37–39, Oliver Cowdery im Devid Whitmer rej itōn pukpukot Ro Jon̄oulruo; 40–47, N̄an bōk lo̧mo̧o̧r, armej reaikuj ukeļo̧k, im peptaij, im kōjparok kien ko.
Jekjōn 19
1–3, Kraist ej kabwijer aolep kajoor; 4–5, Aolep armej aikuj ukeļo̧k ak en̄taan; 6–12, Kaje ejjeļo̧k jem̧ļo̧kin ej kaje eo an Anij; 13–20, Kraist eaar en̄taan n̄an aolep, bwe ren maron̄ jab en̄taan eļan̄n̄e renaaj ukeļo̧k; 21–28, Kwaļo̧k naan kōn gospel in ukeļo̧k; 29–41, Kabun̄bun̄ļo̧k naan ko rem̧m̧an.
Jekjōn 20
1–16, Bok in Mormon ej kam̧ool ke jerbal eo ilo raan kein āliktata ej jān lan̄; 17–28, Katak ko kōn kōm̧anan eo, wōtlo̧k eo, pinmuur eo, im peptaij rej kapeni; 29–37, Kien ko rej kajeikik ukeļo̧k, kajejjet, kokwōjarjar, im peptaij rej ellaajrak; 38–67, Jerbal ko an elder ro, pris ro, rikaki ro, im tikōn ro kōnono kaki ilo tukaduier; 68–74, Jerbal ko an ro uwaan Kabun̄, kōjeraam̧m̧an an ajri ro, im wāween peptaij rej kwaļo̧ki; 75–84, Jar ko an kwōjkwōj im karōk ko kōn wāween kajeikik ro uwaan Kabun̄ rej litoki.
Jekjōn 21
1–3, Kar kūr Josep Smith bwe en juon rilolo, riukok, rikanaan, rijjilōk im elder; 4–8, Naan eo an enaaj tōl jibadbad eo an Zaion; 9–12, Ro Rekwōjarjar renaaj tōmak naan ko an n̄e ej kōnono jān Rikaenōm̧m̧an.
Jekjōn 22
1, Peptaij ej juon bujen eo ekāāl im ejjeļo̧k jem̧ļo̧kin; 2–4, Peptaij ko kōm̧m̧an ium̧win maron̄ eaikuji.
Jekjōn 23
1–7, Rikaļoor rein m̧oktaļo̧k kar kūr er n̄an kwaļo̧k naan, kōketak, im kōkajoorļo̧k Kabun̄ in.
Jekjōn 24
1–9, Josep Smith kar kūr e n̄an ukōt, kwaļo̧k, im tipdiki jeje ko rekwōjarjar; 10–12, Oliver Cowdery kar kūr n̄an kwaļo̧k kōn gospel eo; 13–19, Kien eo kar kwaļo̧ke ikijjien mennin bwilōn̄ ko, lia ko, jojān būn̄aln̄al in ium̧win neen juon, im etal im jab bōk nien m̧ani ak bōjo̧.
Jekjōn 25
1–6, Emma Smith, kōrā in kāālet, ej kūri n̄an jipan̄ im kaenōm̧m̧an ļeo pāleen; 7–11, Liin barāinwōt kūri n̄an je, n̄an tipdiki jeje ko rekwōjarjar, im n̄an kāāleti al in kabun̄-jar ko; 12–14, Al ko an ro rejim̧we ej juon jar n̄an Irooj; 15–16, Unleplep ko an pokake ilo revelesōn in rej jerbal n̄an aolep.
Jekjōn 26
1, Kar katakin er n̄an ekkatak jeje ko rekwōjarjar im n̄an kwaļo̧k naan; 2, Kien bōro wōt juon kar kapenļo̧k.
Jekjōn 27
1–4, Kakōļļe ko rej jerbal ilo bōke kwōjkwōj eo rej ellaajrak ijin; 5–14, Kraist im ro rikarejeran jān aolep tōrean iien bōk eddo ko renaaj bōk kwōjkwōj eo; 15–18, Kōņak aolepān kein tariņae an Anij.
Jekjōn 28
1–7, Josep Smith ej kabwijer ki ko in men ko rettino, im e wōt ej bōk revelesōn ko n̄an Kabun̄ in; 8–10, Oliver Cowdery ej itōn kwaļo̧k naan n̄an riLeman raņ; 11–16, Setan eaar m̧oņe Hiram Page im leļo̧k n̄an e revelesōn ko reriab.
Jekjōn 29
1–8, Kraist ej ain rikāālet ro An; 9–11, Itok eo An ej bōktok Meļļenium eo; 12–13, Jon̄oulruo ro renaaj ekajete aolepān Israel; 14–21, Kakōļļe ko, mennin kaen̄tanaan ko, im jorrāān ko renaaj itok im̧aan Itok eo Kein Karuo; 22–28, Jerkakpeje eo āliktata im ekajet eo āliktata rej ļoortok Meļļenium eo; 29–35, Men otemjeļo̧k ewōr nemāmeer jetōb n̄an Irooj; 36–39, Devil im jar ko an kar kadiwōjļo̧k er jān lan̄ n̄an kapoik armej; 40–45, Wōtlo̧k eo im Pinmuur eo rej bōktok lo̧mo̧o̧r; 46–50, Ajri ro reddik em̧ōj lo̧mo̧o̧ren er kōn Pinmuur eo.
Jekjōn 30
1–4, Devid Whitmer kar kauweiki kōn an jab jerbal ilo niknik; 5–8, Piter Whitmer Jr. ej itōn etal ippān Oliver Cowdery n̄an juon mijen n̄an riLeman ro; 9–11, Jon Whitmer kar kūri n̄an kwaļo̧k naan kōn gospel eo.
Jekjōn 31
1–6, Tomas B. Marsh kar kūr e n̄an kwaļo̧k naan kōn gospel eo im kar kareel an kōn oņaake eo an baam̧le eo an; 7–13, Kar kapilōk e n̄an kōmmaanwa, jar iien otemjej, im ļoore Rikaenōm̧m̧an eo.
Jekjōn 32
1–3, Parley P. Pratt im Ziba Peterson kar kūr er n̄an kwaļo̧k naan n̄an riLeman ro im n̄an etal ippān Oliver Cowdery im Piter Whitmer Jr.; 4–5, Rej aikuj jar kōn juon meļeļe kōn jeje ko rekwōjarjar.
Jekjōn 33
1–4, Rijerbal ro kūr er n̄an kwaļo̧k gospel eo ilo awa eo kein kajon̄ouljuon; 5–6, Kabun̄ in em̧ōj an jutak, im ro rikāālet An kar itōn aini er; 7–10, Ukeļo̧k, bwe aelōn̄ in lan̄ epaak; 11–15, Kabun̄ ej ekkal ioon ejm̧aan in gospel in; 16–18, M̧aanjāppopo n̄an itok eo an Ļeo Pālele.
Jekjōn 34
1–4, Ro rej tōmak rej erom m̧aan ro nejin Anij kōn Pinmuur eo; 5–9, Kwaļo̧k naan kōn gospel eo ej kōpooje iaļ eo n̄an Itok eo Kein Karuo; 10–12, Kanaan ej itok jān kajoor eo an Jetōb Kwōjarjar.
Jekjōn 35
1–2, Ekōjkan an em̧m̧aan maron̄ erom m̧aan ro nejin Anij; 3–7, Sidney Rigdon kar kūri n̄an peptaiji im leļo̧k Jetōb Kwōjarjar; 8–12, Kakōļļe ko im mennin bwilōn̄ ko rej jerbali jān tōmak; 13–16, Ro karejeran Irooj renaaj kōjenolo̧k laļ ko jān kajoor eo an Jetōb; 17–19, Josep Smith ej kabwijer ki ko an mennin ittino ko; 20–21, Ro rikāālet renaaj mour ilo raan in itok eo an Irooj; 22–27, Israel naaj lo̧mo̧o̧ren.
Jekjōn 36
1–3, Irooj ej likūt Pein ioon Edward Partridge jān pein Sidney Rigdon; 4–8, Aolep em̧m̧aan ro rej bōk gospel eo im priesthood eo rej bōk kūr eo n̄an ilo̧k n̄an kwaļo̧k naan.
Jekjōn 37
1–4, Ro Rekwōjarjar kar kūr er n̄an ain doon ilo Ohio.
Jekjōn 38
1–6, Kraist eaar kōm̧anm̧an men otemjeļo̧k; 7–8, E ej pād ilubwiljin Ro Rekwōjarjar An, ro ejjab etto renaaj lo E; 9–12, Kanniōk otemjej ej ijurwewe im̧aan Mejān; 13–22, Eaar kōpooje juon āneen kallim̧ur n̄an ro Rekwōjarjar An ilo iien in im indeeo; 23–27, Ro Rekwōjarjar kar jiron̄ er bwe ren juon wōt im jeļāņae doon āinwōt jeimjāān jeimjatin; 28–29, Tariņae ko kar kwaļo̧ki ļo̧k im̧aan; 30–33, Ro Rekwōjarjar rej itōn bōk kajoor jān ijo eutiej im ilo̧k ilubwiljin aolep laļ ko; 34–42, Kabun̄ in kar jiron̄ e n̄an kōjparoke ro rejeram̧ōl im aikuj im n̄an pukot m̧weiie ko an indeeo.
Jekjōn 39
1–4, Ro Rekwōjarjar ewōr aer kajoor n̄an erom m̧aan ro nejin Anij; 5–6, N̄an bōk gospel eo ej n̄an bōk Kraist; 7–14, Jemes Covel kar jiron̄ e bwe en peptaij im jerbal ilo jikin kallib grep eo an Irooj; 15–21, Ro rikarejeran Irooj rej kwaļo̧k naan kōn gospel eo m̧okta jān Itok eo Kein Karuo; 22–24, Ro rej bōk gospel eo renaaj kuktok ippān doon ilo iien in im ilo indeeo.
Jekjōn 40
1–3, Mijak matōrtōr im wōjwaan ko an laļ rej kōm̧m̧an jab bōke gospel eo.
Jekjōn 41
1–3, Elder ro renaaj tōl Kabun̄ in jān jitōbōn revelesōn; 4–6, Rikaļooran ro rem̧ool renaaj bōk im kōjparok kien eo an Irooj; 7–12, Edward Partridge kar kūr e āinwōt juon bisop n̄an Kabun̄ in.
Jekjōn 42
1–10, Elder ro kar kūr er n̄an kwaļo̧k naan kōn gospel eo, peptaiji ro rej oktak, im kalōkļo̧k Kabun̄ in; 11–12, Reaikuj in bōk aer kūr im kapit er im ren katakin pedped ko an gospel in loi ilo jeje ko rekwōjarjar; 13–17, Ren katakin im kanaan jān kajoor eo an Jetōb; 18–29, Ro Rekwōjarjar kar jiron̄ er n̄an jab uror, ko̧o̧t, riab, mejkaiie, lōn̄, ak kōnono nana ņae ro jet; 30–39, Kien ko ikijjien wūjlepļo̧k joortak in men ko m̧weiier rej ellaajrak ijin; 40–42, Irooj edike juwa im jowan; 43–52, Rinan̄inmej ro en kōmour er kōn kōjeraam̧m̧an ko im jān tōmak; 53–60, Jeje ko rekwōjarjar rej tōl Kabun̄ in im rej aikuj kabun̄bun̄ļo̧ki n̄an laļ in; 61–69, Ijo im Jerusalem eo Ekāāl naaj pād ie im mennin ittino ko an aelōn̄ eo naaj kwaļo̧k e; 70–73, Bwidej ko em̧ōj ajiļo̧k reaikuj jerbal n̄an rejetake opija ro an Kabun̄; 74–93, Kien ko ikijjien lejān, ļo̧n̄, uror, ko̧o̧t, im kwaļo̧k kōn jero̧wiwi ko rej jakem̧aantak.
Jekjōn 43
1–7, Revelesōn ko im kien ko rej itok wōt kōn juon eo kar jitōn̄e; 8–14, Ro Rekwōjarjar rej kokwōjarjar jān aer jerbal ilo aolep weeppān im̧aan Irooj; 15–22, Elder ro rej jilkinļo̧k er n̄an kūr ukeļo̧k im kōpooj armej n̄an raan eo eļap an Irooj; 23–28, Irooj ej kūr ioon armej kōn Ainikien make im kōn lan̄ in m̧akūtkūt ko ipeļaakin; 29–35, Meļļenium eo im lokjak an Setan renaaj itok.
Jekjōn 44
1–3, Elder ro rej itōn kuktok ilo kwelo̧k; 4–6, Rej itōn karōke er ekkar n̄an kien ko an āneo im n̄an oņaake ro rejeram̧ōl.
Jekjōn 45
1–5, Kraist ej ad rijojomar ippān Jemān; 6–10, Ennaan eo an gospel in ej n̄an kōpooj iaļ eo im̧aan Irooj; 11–15, Inok im ro jein im jatin Irooj eaar bōk er n̄an E make; 16–23, Kraist eaar kwaļo̧k kakōļļe ko in itok eo An āinwōt kar liļo̧k ioon Toļ Olivet; 24–38, Gospel eo naaj bar kōjepļaaktok, iien ko an ro riAelōn̄ ko renaaj kūrm̧ool, im juon lia in nan̄inmej enaaj kalbubuuk āneo; 39–47, Kakōļļe ko, kabwilōn̄lōn̄ ko, im Jerkakpeje eo rej kōjabe Itok eo Kein Karuo; 48–53, Kraist enaaj jutak ioon Toļ Olivet, im riJu ro renaaj lo kinej ko ilo Pein im Neen; 54–59, Irooj enaaj tōl ilo Meļļenium eo; 60–62, Kar jiron̄ Rikanaan eo n̄an jino ukok eo an Kallim̧ur Ekāāl, eo kake meļeļe ko reaorōk naaj jeļā kaki; 63–75, Ro Rekwōjarjar kar jiron̄ er n̄an ain doon im kalōk Jerusalem eo Ekāāl, eo n̄an e armej jān aolep laļ ko renaaj itok.
Jekjōn 46
1–2, Elder ro ren kajeikik kwelo̧k ko āinwōt an Jetōb Kwōjarjar tōl er; 3–6, Ripukot m̧ool ro e jab aikujin kadiwōjļo̧k er ilo iien kwōjkwōj ko; 7–12, Kajjitōk jān Anij im kappukoti mennin letok ko an Jetōb; 13–26, Juon ellaajrak in jet ian mennin letok kein letoke ijin; 27–33, Ritōl ro an Kabun̄ em̧ōj leļo̧k kajoor n̄an aer jeļā mennin letok ko an Jetōb.
Jekjōn 47
1–4, Kar jitōn̄e Jon Whitmer n̄an kōjparok bwebwenatoin Kabun̄ in im n̄an jeje n̄an Rikanaan eo.
Jekjōn 48
1–3, Ro Rekwōjarjar ilo Ohio rej itōn ajeji bwidej ko aer ippān ro jeir im jatier ilo kabun̄; 4–6, Ro Rekwōjarjar ren wia bwidej ko, kalōk juon jikin kwelo̧k, im ļoor kapilōk eo an opija ro rej tōl er.
Jekjōn 49
1–7, Raan im awa eo in itok eo an Kraist enaaj pād wōt ilo ejjeļo̧k jeļā kake m̧ae An itok; 8–14, Armej rej aikuj ukeļo̧k, tōmak ilo gospel eo, im pokaki kain̄i ko n̄an bōk lo̧mo̧o̧r; 15–16, M̧are ej kōmālim in Anij; 17–21, Kan̄i kanniōk e mālim; 22–28, Zaion enaaj uwa im riLeman renaaj ebbōl āinwōt juon rose m̧okta jān Itok eo Kein Karuo.
Jekjōn 50
1–5, Elōn̄ jetōb ko rej jab m̧ool rej ajeeded ilo laļ in; 6–9, Wo n̄an ro rietao im ro rej bukweļo̧k er jān Kabun̄ in; 10–14, Elder ro ren kwaļo̧k naan kōn gospel eo kōn Jetōb; 15–22, Jim̧or rikwaļo̧k ro im riron̄jake ro aikuj kōmeramļo̧k er jān Jetōb; 23–25, Men eo me ej jab kōketak ej jab jān Anij; 26–28, Ro retiljek rej ribōke men ko otemjeļo̧k; 29–36, Jar ko an ro rerreo rej uwaak; 37–46, Kraist ej Seperd eo Em̧m̧an im Ejm̧aan an Israel.
Jekjōn 51
1–8, Edward Partridge kar jitōn̄e bwe en kajeikiki eddo ko im bwidej ko; 9–12, Ro Rekwōjarjar rej aikuj in lukkuun m̧ool ilo aer m̧akūtkūt im bōk ejja āinwōt; 13–15, Ej itōn wōr juon aer im̧ōn ko̧koņ an bisop im reaikuj karōki bwidej ko ekkar n̄an kien an Irooj; 16–20, Ohio ej jikin aintok doon ium̧win wōt jidik iien.
Jekjōn 52
1–2, Kwelo̧k eo tokālik em̧ōj kaalikkar ke enaaj bōk jikin ilo Missouri; 3–8, Ijjitōn̄ ko an jet elder ro n̄an ito-itak ippān doon rej kōm̧m̧an; 9–11, Elder ro ren katakin ta Rijjilōk ro im rikanaan ro rekar je; 12–21, Ro kōmeramļo̧k er jān Jetōb rej jebar kōn leen ko in nebar im mālōtlōt; 22–44, Elōn̄ elder ro kar jitōn̄ er n̄an ilo̧k im kwaļo̧k naan kōn gospel eo ilo ito–itak eo aer n̄an Missouri n̄an kwelo̧k eo.
Jekjōn 53
1–3, Kūr im kāālet eo an Sidney Gilbert ilo Kabun̄ in ej n̄an ekkapit n̄an juon elder; 4–7, E ej barāinwōt itōn jerbal āinwōt juon rikōnono ikijjien bisop.
Jekjōn 54
1–6, Ro Rekwōjarjar reaikuj kōjparok bujen an gospel eo n̄an bōk tūriam̧okake; 7–10, Reaikuj kijenmej ilo en̄taan.
Jekjōn 55
1–3, William W. Phelps kar kūri im kāālet e bwe en peptaij, n̄an kapit e juon elder, im n̄an kwaļo̧k naan kōn gospel eo; 4, E ej barāinwōt itōn jeje bok ko n̄an ajri ro ilo jikuuļ ko an Kabun̄; 5–6, E ej itōn etal n̄an Missouri, ijo me enaaj jikin kōm̧m̧ani jerbal kein an.
Jekjōn 56
1–2, Ro Rekwōjarjar rej aikuj ineek debwāāl eo aer make im ļoore Irooj n̄an aer bōk lo̧mo̧o̧r; 3–13, Irooj ej jiron̄ im m̧anļo̧k, im ro rej jab pokake rej kadiwōjļo̧k er; 14–17, Wo n̄an ro rim̧weiie im reban jipan̄ ro rejeram̧ōl, im wo n̄an ro rejeram̧ōl im burueer rej jab rup; 18–20, Em̧ōņōņō ro rejeram̧ōl im erreo burueer, bwe renaaj jolōte laļ.
Jekjōn 57
1–3, Independence, Missouri, ej jikin eo n̄an Jikin Kwelo̧k in Zaion im tampeļ eo; 4–7, Ro Rekwōjarjar rej itōn wiaik bwidej ko im bōk jolōt ko ilo ijin; 8–16, Sidney Gilbert ej itōn kajutak juon im̧ōn wia, William W. Phelps ej itōn juon printer, im Oliver Cowdery ej itōn kōpooj bok ko jei n̄an likūti ilo jekjek in bok.
Jekjōn 58
1–5, Ro rej niknik kijenmej ilo en̄taan naaj pālōk kūrawūn in wōj; 6–12, Ro uwaan Kabun̄ ren itōn m̧aanjāppopo n̄an kwojkwoj in pālele eo an Lamb eo im kejota eo an Irooj; 13–18, Bisop ro rej riekajet ro ilo Israel; 19–23, Ro uwaan Kabun̄ ren pokake kien ko an āneo; 24–29, Armej reaikuj kōjerbal anemkwōj in kāālet eo aer n̄an kōm̧m̧an em̧m̧an; 30–33, Irooj ej jiron̄ im ej kajejtokjān; 34–43, N̄an ukeļo̧k, armej reaikuj kwaļo̧k im eļļo̧k jān jero̧wiwi ko aer; 44–58, Ro uwaan Kabun̄ ren wiaki mennin jolōt ko aer im kukļo̧k ilo Missouri; 59–65, Gospel eo aikuj kwaļo̧k n̄an armej otemjej.
Jekjōn 59
1–4, Ro Rekwōjarjar retiljek ilo Zaion naaj kōjeraam̧m̧an er; 5–8, Rej aikuj iakwe im jerbal n̄an Irooj im kōjparok kien ko An; 9–19, Jān kōjparoke raņ eo ekwōjarjar an Irooj, ro Rekwōjarjar naaj kōjeraam̧m̧an er ilo kanniōk im jetōb; 20–24, Ro rejim̧we em̧ōj kallim̧uri er aenōm̧m̧an ilo laļ in im mour indeeo ilo laļ eo ej itok.
Jekjōn 60
1–9, Elder ro ren kwaļo̧k gospel eo ilo jarlepju in rijar ko an ro renana; 10–14, Ren jab pād bajjek kōn iien ko aer, ak kalbwin kapeel ko aer; 15–17, Remaron̄ kwaļo̧k neer āinwōt juon naan in kam̧ool ņae ro rej jab bōk gospel eo.
Jekjōn 61
1–12, Irooj eaar kean̄ kōn elōn̄ mennin ko̧kkure ko ioon dān ko; 13–22, Dān ko relia jān Jon, im riko̧kkure eo ej uwe ioon mejaer; 23–29, Jet ewōr aer kajoor n̄an jiron̄ dān ko; 30–35, Elder ro ren ito-itak ippān doon ruo ian ruo ian im kwaļo̧k naan kōn gospel eo; 36–39, Ren itōn m̧aanjāppopo n̄an itok eo an Nejin Armej.
Jekjōn 62
1–3, Naan in kam̧ool ro rej ļo̧o̧ki ilo lan̄; 4–9, Elder ro rej itōn etal im kwaļo̧k naan ekkar n̄an ekajet im āinwōt tōl jān Jetōb.
Jekjōn 63
1–6, Raan in illu eo enaaj itok ioon ro rinana; 7–12, Kakōļļe ko rej itok jān tōmak; 13–19, Eo e ļōn̄ ilo bōro enaaj kaarmejjete tōmak eo im naaj joļo̧k ilo lom̧aļo in kijeek eo; 20, Ro retiljek renaaj bōk aer jolōt ioon laļ eo ekāāl; 21, Tarlep in men ko reļļap rekar waļo̧k ioon Toļ in Kōjakkōlkōl ej jan̄in kar kwaļo̧k e; 22–23, Ro ripokake rej bōk mennin ittino ko an aelōn̄ eo; 24–31, Jolōt ko ilo Zaion rej itōn wiaiki; 32–35, Irooj ej kean̄ kōn tariņae ko, im rinana rej m̧an rinana; 36–48, Ro Rekwōjarjar rej itōn kukļo̧k ilo Zaion im ņa wāween m̧ani ko n̄an kalōkeļo̧k; 49–54, Kōjeraam̧m̧an ko em̧ōj lukkuun kallim̧uri n̄an ro retiljek ilo Itok eo Kein Karuo, ilo Jerkakpeje eo, im ilo tōrean Meļļenium eo; 55–58, Rainin ej juon raan in kakkōl; 59–66, Etan Irooj bōke ilo pata jān ro rej kōjerbal e ilo ejjeļo̧k maron̄.
Jekjōn 64
1–11, Ro Rekwōjarjar kar jiron̄ er n̄an jeorļo̧k an doon bōd, n̄e eab pād ilo er jero̧wiwi eo eļapļo̧k; 12–22, Ro rem̧akoko in ukeļo̧k aikuj bōktok er im̧aan Kabun̄ in; 23–25, Eo ej kōļļā m̧ōttan jon̄oul eban bwil ilo itok eo an Irooj; 26–32, Ro Rekwōjarjar kar kakkōl er kōn m̧uri; 33–36, Rijum̧ae ro naaj bukweļo̧k er jān Zaion; 37–40, Kabun̄ eo enaaj ekajet laļ ko; 41–43, Zaion enaaj uwa.
Jekjōn 65
1–2, Ki ko an aelōn̄ in Anij em̧ōj liļo̧k n̄an armej ioon laļ, im jibadbad eo an gospel enaaj anjo̧; 3–6, Aelōn̄ in lan̄ eo ilo meļļenium enaaj itok im kobatok ippān aelōn̄ in Anij ioon laļ.
Jekjōn 66
1–4, Bujen eo ejjeļo̧k jem̧ļo̧kin ej tarlep in gospel eo; 5–8, Elder ro ren kwaļo̧k naan, kam̧ool, im pepe ippān armej raņ; 9–13, Niknik ilo jerbal in rikwaļo̧k naan ej kadedeļo̧k kallim̧ur in jolōt e mour indeeo.
Jekjōn 67
1–3, Irooj ej ron̄ jar ko im lale elder ro An; 4–9, Ej ba eo emālōtlōt tata en m̧ōk kōm̧m̧ane juon malen in jidik in wōt revelesōn ko An; 10–14, Elder ro retiljek Jetōb enaaj kōmour er im renaaj lo turin mejān Anij.
Jekjōn 68
1–5, Naan ko an elder ro n̄e kōm̧akūt er jān Jetōb Kwōjarjar rej jeje ko rekwōjarjar; 6–12, Elder ro ren kwaļo̧k naan im peptaij, im kakōļļe ko renaaj ļoortok lukkuun ritōmak ro; 13–24, M̧aanje in em̧m̧aan ilubwiljin ro nejin Aron emaron̄ jerbal āinwōt Bisop Eļap (en̄in meļeļein, kabwijer ki ko an presidency āinwōt juon bisop) ium̧win tōl ko an Presidency eo Kein Kajuon; 25–28, Ro Jemān im jinen rej jiron̄ er n̄an katakin gospel eo n̄an ajri ro nejier; 29–35, Ro Rekwōjarjar reaikuj kōjparok Jabōt, niknik jerbal, im jar.
Jekjōn 69
1–2, Jon Whitmer ej itōn etal ippān Oliver Cowdery ļo̧k n̄an Missouri; 3–8, E ej barāinwōt itōn kwaļo̧k im n̄an aini, ļo̧o̧ke, im jei ļo̧o̧ki bwebwenato ko.
Jekjōn 70
1–5, Rijerbal ro kar jitōn̄ er n̄an likūt ilo bok revelesōn ko; 6–13, Ro rej jerbal ilo men ko an jetōb rej tōllo̧ke wōņāer; 14–18, Ro Rekwōjarjar ren jon̄aer wōt juon ilo men ko an kanniōk.
Jekjōn 71
1–4, Josep Smith im Sidney Rigdon kar jilkinļo̧k er n̄an kabun̄bun̄ļo̧k gospel eo; 5–11, Rikōjdat ro an Ro Rekwōjarjar renaaj pok.
Jekjōn 72
1–8, Elder ro ren leļo̧k juon ellaajrak in tōprak in eddo ko aer n̄an bisop eo; 9–15, Bisop eo ej kōjparok im̧ōn ko̧koņ eo im lale ro rijeram̧ōl im riaikuj; 16–26, Bisop ro ren kam̧ool tōllo̧ke eo an elder ro.
Jekjōn 73
1–2, Elder ro ren wōnm̧aanļo̧k wōt n̄an kwaļo̧k naan; 3–6, Josep Smith im Sidney Rigdon ren wōnm̧aanļo̧k wōt n̄an ukōte Baibōļ eo m̧ae an dedeļo̧k.
Jekjōn 74
1–5, Paul ej kapilōk Kabun̄ eo ilo raan ko an n̄an jab kōjparok kien Moses; 6–7, Ajri ro reddik rewānōk im em̧ōj kokwōjarjar er kōn Pinmuur eo.
Jekjōn 75
1–5, Elder ro retiljek rej kwaļo̧k kōn gospel eo renaaj bōk mour indeeo; 6–12, Jar n̄an bōk Rikaenōm̧m̧an eo, eo ej katakin kōn men otemjeļo̧k; 13–22, Elder ro renaaj jijet ilo ekajet e ro rekar jab bōk ennaan eo aer; 23–36, Baam̧le ko an mijenede ro ren bōk jipan̄ jān Kabun̄ in.
Jekjōn 76
1–4, Irooj ej Anij; 5–10, Mennin ittino ko an aelōn̄ eo naaj kwaļo̧ki n̄an aolep ro rej tōmak; 11–17, Aolep renaaj jerkaktok ilo jerkakpeje eo an ro rem̧m̧an im ro renana; 18–24, Ro rej pād ilo elōn̄ laļ ko rej m̧aan im kōrā ro keotak in Anij kōn Pinmuur eo an Jisōs Kraist; 25–29, Juon enjeļ an Anij eaar wōtlo̧k im erom devil; 30–49, M̧aan ro nejin marok rej iioon en̄taan eo ejjeļo̧k jem̧ļo̧kin; aolep ro jet rej bōk jet ļamļamin lo̧mo̧o̧r; 50–70, Aiboojoj im wōņāān eo ro em̧ōj aer bōk mour indeeo ilo aelōn̄ selestial em̧ōj kōmmeļeļeiki; 71–80, Ro renaaj jolōte aelōn̄ terrestrial em̧ōj kōmmeļeļeiki; 81–113, Jekjekin ro ilo aiboojoj kein telestial, terrestrial, im selestial em̧ōj kōmmeļeļeiki; 114–119, Ro rej tōmak remaron̄ lo im meļeļe mennin ittino ko an Aelōn̄ eo an Anij jān kajoor eo an Jetōb Kwōjarjar.
Jekjōn 77
1–4, Mennin mour ko ewōr aer jetōb im renaaj jokwe ilo lo̧udin̄din̄ indeeo; 5–7, Laļ in ewōr jon̄an toun an pād in 7,000 iiō ko; 8–10, Eoktak enjeļ ro rej kōjepļaaktok gospel eo im jipan̄ ioon laļ; 11, sil eo an 144,000; 12–14, Kraist enaaj bar itok ilo jinoin kajiljilimjuon to̧ujin iiō ko; 15, Ruo rikanaan renaaj jerkaktok n̄an laļ eo an riJu.
Jekjōn 78
1–4, Ro Rekwōjarjar reaikuj karōke im kajutak juon im̧ōn ko̧koņ; 5–12, Mālōtlōt ilo wāween kōjerbali men ko m̧weiier enaaj tōlļo̧k n̄an lo̧mo̧o̧r; 13–14, Kabun̄ ej eaikuj in jutakļo̧k make ian jān kajoor ko an laļ; 15–16, Maikeel (Adam) ej jerbal ium̧win tōl an Eo Ekwōjarjar (Kraist); 17–22, Em̧ōņōņō ro rej lōke, bwe renaaj jolōte aolep men otemjeļo̧k.
Jekjōn 79
1–4, Jered Carter kar kūr e n̄an kwaļo̧k naan kōn gospel eo jān Rikaenōm̧m̧an.
Jekjōn 80
1–5, Stipen Burnett im Iden Smith kar kūr er n̄an kwaļo̧k naan ilo jabdewōt jikin rej kāālete.
Jekjōn 81
1–2, Ki ko an aelōn̄ eo aolep iien Presidency eo Kein Kajuon ej kabwijeri; 3–7, Eļan̄n̄e Frederick G. Williams ej tiljek ilo jerbal in an, enaaj an mour indeeo.
Jekjōn 82
1–4, N̄e eļap ijo kar leļo̧k, eļap ijo aikuji; 5–7, Marok jilōn̄lōn̄ ej irooj ilo laļ; 8–13, Irooj ej lokjak n̄e jej kōm̧m̧ane ta Ej ba; 14–18, Zaion eaikuj ļapļo̧k ilo wōj im kwōjarjar; 19–24, Armej otemjej eaikuj kappukot ļapļo̧k ko an ro riturun.
Jekjōn 83
1–4, Kōrā ro im ajri ro ewōr aer ioon ļōm̧aro pālele im ro jemān n̄an oņaake eo aer; 5–6, Kōrā ro emej pāleer ak ajri ro ejjeļo̧k jemāer im jineer ewōr aer ioon Kabun̄ eo n̄an oņaake eo aer.
Jekjōn 84
1–5, Jerusalem eo Ekāāl im tampeļ eo naaj ekkal ilo Missouri; 6–17, Lain eo an priesthood eo jān Moses n̄an Adam ej letok; 18–25, Priesthood eo eļapļo̧k ej kabwijer ki in jeļāļo̧kjeņ an Anij; 26–32, Priesthood eo edikļo̧k ej kabwijer ki in jipan̄ ko enjeļ raņ im ki in gospel in m̧aanjāppopo eo; 33–44, Armej rej bōk mour indeeo kōn kanejnej im bujen eo an priesthood eo; 45–53, Jitōbōn Kraist ej kōmeramļo̧k armej, im laļ ej pād ilo jero̧wiwi; 54–61, Ro Rekwōjarjar rej aikuj kam̧ool kōn men ko rekar bōki; 62–76, Rej aikuj kwaļo̧k naan kōn gospel eo, im kakōļļe ko renaaj ļoore; 77–91, Elder ro ren ilo̧k kōn ejjeļo̧k bōjo̧ ak jān, im Irooj enaaj kakke aikuj ko aer; 92–97, Mennin kaen̄tanaan ko im kalia ko rej kōttar ro rej jab bōk gospel eo; 98–102, Al eo ekāāl in lo̧mo̧o̧ren an Zaion ej letok; 103–110, Em̧m̧an otemjej en jutak ilo opij eo an im jerbal ilo kūr eo an make; 111–120, Ro rikarejeran Irooj ren kabun̄bun̄ļo̧k mennin jōjō in kōlo̧urō eo an raan ko āliktata.
Jekjōn 85
1–5, Jolōt ko ilo Zaion rej aikuj bōki kōn wūjlepļo̧k; 6–12, Juon ekajoor im maron̄ enaaj leļo̧k n̄an Ro Rekwōjarjar jolōt eo aer ilo Zaion.
Jekjōn 86
1–7, Irooj ej letok meļeļein būrabōļ eo kōn wiit im tāō ko; 8–11, E ej kōmmeļeļeik kōjeraam̧m̧an ko an priesthood n̄an rijolōt ro kōmlet kake ekkar jān kanniōk.
Jekjōn 87
1–4, Tariņae ej rikanij kake ikōtaan Bukwōn ko Ituiōn̄ im Bukwōn ko Iturōk; 5–8, Jorrāān ko reļļap renaaj wōtlo̧k ioon aolep ro rej pād ilaļ in.
Jekjōn 88
1–5, Ro Rekwōjarjar retiljek rej bōk Rikaenōm̧m̧an, eo ej kallim̧ur kōn mour indeeo; 6–13, Aolep men otemjeļo̧k rej pād ium̧win kajeikik im oņaake jān Meram in Kraist; 14–16, Jerkakpeje eo ej itok kōn Lo̧mo̧o̧ren Eo; 17–31, Pokake kien selestial, terrestrial, im telestial ej kōpooj armej n̄an aelōn̄ in kiin̄ kein im aiboojoj kein kajjojo; 32–35, Ro renaaj mour wōt ilo jero̧wiwi renaaj pād wōt ilo ettoon; 36–41, Aolep aelōn̄ in kiin̄ ko rej oņaake jān kien; 42–45, Anij eaar letok kien n̄an aolep men otemjeļo̧k; 46–50, Armej enaaj meļeļe em̧ool Anij; 51–61, Būrabōļ eo kōn an armej jilkinļo̧k ro rikarejeran n̄an jikin kallib eo im loļo̧k er kajjojo iaer; 62–73, Kepaaktok Irooj, im kom̧ naaj lo turin Mejān; 74–80, Kokwōjarjar kom̧ im katakin doon pedped in katak ko an aelōn̄ eo; 81–85, Aolep armej em̧ōj kakkōl e en kakkōl eo riturun; 86–94, Kakōļļe ko, poktak ko an mennin bobo ko, im enjeļ raņ rej kōpooj iaļ eo n̄an itok eo an Irooj; 95–102, Jilel ko an enjeļ raņ rej kūrtok ro remej ilo ekkar eo aer; 103–116, Jilel ko an enjeļ raņ rej kabun̄bun̄ļo̧k jepļaaktok eo an gospel eo, jeepepļo̧k eo an Babilon, im pata eo an Anij eo eļap; 117–126, Kappukot jeļāļo̧kjeņ, kajutak m̧weo im̧ōn Anij (juon tampeļ), im ņa ballemi kōn korak an iakwe-em̧ool; 127–141, Ekkar eo an Jikuuļ eo an Rikanaan ro ej ellaajrak, ekitbuuj kain̄i in kwaļi ne ko.
Jekjōn 89
1–9, Kōjerbale wain, dān ko rekajoor, tobakko, im dān ko rebwil ej kōmo̧iki; 10–17, Mar ko, leen wōjke ko, kanniōk, im grain rej kōmālim n̄an an armej im mennin mour kōjerbali; 18–21, Pokake kien gospel eo, ekobaik Naan in Mālōtlōt, ej bōktok kōjeraam̧m̧an ko an kanniōk im an jetōb.
Jekjōn 90
1–5, Ki ko an aelōn̄ eo rej liļo̧k n̄an Josep Smith im kōn e n̄an kabun̄ in; 6–7, Sidney Rigdon im Frederick G. Williams rej itōn jerbal ilo Presidency eo Kein Kajuon; 8–11, Gospel eo ej itōn kwaļo̧k n̄an laļ ko an Israel, n̄an ro riAelōn̄ ko, im n̄an riJu, aolep armej ej ron̄ ilo kajin eo an make; 12–18, Josep Smith im rikōkapilōklōk ro an ren itōn ko̧koņ Kabun̄ in; 19–37, Elōn̄ kajjojo ro kar kapilōk er jān Irooj n̄an etetal jim̧we im jerbal ilo aelōn̄ eo An.
Jekjōn 91
1–3, Apocrypha eo enan̄in aolepān ejim̧we kar ukōte ak ewōr ie elōn̄ kakkobaba ko jān pā ko pein armej im rej jab m̧ool; 4–6, Ej em̧m̧an n̄an ro kōmeramļo̧k er jān Jetōb.
Jekjōn 92
1–2, Irooj ej letok juon kien kōn kadelōn̄ tok n̄an koņ in bōrokuk eo.
Jekjōn 93
1–5, Aolep ro rej tiljek renaaj lo Irooj; 6–18, Jon eaar kam̧ool bwe eo Nejin Anij eaar ilo̧k jān jouj n̄an jouj m̧ae An kar bōk tarlep in aiboojoj eo an Jemān; 19–20, Armej ro retiljek, ilo̧k jān jouj n̄an jouj, renaaj barāinwōt bōk tarlep eo An; 21–22, Ro keotak er kōn Kraist rej Kabun̄ eo an M̧aanje eo; 23–28, Kraist eaar bōk tarlep in aolep m̧ool, im armej jān pokake emaron̄ kōm̧m̧an āinwōt; 29–32, Armej eaar pād jinoin ippān Anij; 33–35, Irinekkatak ko rej n̄an indeeo, im armej emaron̄ bōk tarlep in lan̄lōn̄ ilo Jerkakpeje eo; 36–37, Aiboojoj eo an Anij ej jeļāļo̧kjeņ; 38–40, ajri ejjeļo̧k ruweer im̧aan Anij kōnke lo̧mo̧o̧ren eo an Jisōs Kraist; 41–53, Em̧m̧aan ro rej tōl kar jiron̄ er n̄an kajim̧we baam̧le ko aer bwe ren koņ.
Jekjōn 94
1–9, Irooj ej letok juon kien kake kajutake juon em̧ n̄an jerbal ko an Presidency eo; 10–12, Juon im̧ōn kōm̧m̧an bok ko ej itōn ekkal; 13–17, Jet ian jolōt ko rej kōjjemo̧o̧ji.
Jekjōn 95
1–6, Ro Rekwōjarjar ej kauweiki er kōn likjab ko aer n̄an kalōk m̧weo im̧ōn Irooj; 7–10, Irooj ekōņaan kōjerbal m̧weo Im̧ōn n̄an kōjeraam̧m̧an armej ro An kōn kajoor jān ijo eutiej; 11–17, M̧weo rej itōn ajeļo̧ke āinwōt juon jikin kabun̄-jar im n̄an jikuuļ eo an Rijjilōk ro.
Jekjōn 96
1, Kirtland Stake ilo Zaion ro uwaan ren kanooj kajoor e; 2–5, Bisop eo ej itōn ajeji jolōt ko n̄an Ro Rekwōjarjar; 6–9, Jon Johnson ej itōn juon uwaan koņ eo.
Jekjōn 97
1–2, Elōn̄ ian Ro Rekwōjarjar ilo Zaion (Jackson Kounty, Missouri) kar kōjeraam̧m̧an er kōn aer tiljek; 3–5, Parley P. Pratt kar nebar e kōn jerbal ko an ilo jikuuļ eo ilo Zaion; 6–9, Ro rej kōjparok bujen ko aer Irooj ej bōk er; 10–17, Juon em̧ ej itōn ekkal ilo Zaion eo ilo e ro erreo burueer renaaj lo Anij; 18–21, Zaion ej ro erreo burueer; 22–28, Zaion enaaj jo̧o̧r jān kaje an Irooj eļan̄n̄e ej tiljek.
Jekjōn 98
1–3, En̄taan ko an Ro Rekwōjarjar rej n̄an em̧m̧an eo aer; 4–8, Ro Rekwōjarjar ren rie kien jemān-āe eo an āneo; 9–10, Armej ro rem̧ool, remālōtlōt, im rem̧m̧an reaikuj rejetake er n̄an kien eo; 11–15, Ro rej likūt mour ko aer ilo jerbal eo an Irooj renaaj bōk mour indeeo; 16–18, Bōbrae tariņae im kabun̄bun̄ļo̧k aenōm̧m̧an; 19–22, Ro Rekwōjarjar ilo Kirtland kar kauwe er im jiron̄ er n̄an ukeļo̧k; 23–32, Irooj ej kwaļo̧k kien ko An rej tōl kōn matōrtōr ko im en̄taan ko likūt ioon armej ro An; 33–38, Tariņae ej jejjet wōt n̄e Irooj ej jiron̄ n̄an kōm̧m̧ane; 39–48, Ro Rekwōjarjar ren jeorļo̧k bōd ko an rikōjdat ro aer, ro, eļan̄n̄e rej ukeļo̧k, renaaj jo̧o̧r jān idenoņe an Irooj.
Jekjōn 99
1–8, Jon Murdock kar kūri n̄an kabun̄bun̄ļo̧k gospel eo, im ro rej bōk e rej bōk Irooj im naaj bōk tūriam̧o.
Jekjōn 100
1–4, Josep im Sidney ren kwaļo̧k gospel eo n̄an lo̧mo̧o̧r an armej raņ; 5–8, Naaj leļo̧k n̄an erro ilo awa eo wōt ta reaikuj in ba; 9–12, Sidney enaaj rikōnono eo im Josep enaaj rikkwaļo̧k revelesōn eo im kajoor ilo kam̧ool; 13–17, Irooj enaaj kōjerkak juon armej rerreo, im ro repokake renaaj mour.
Jekjōn 101
1–8, Ro Rekwōjarjar rej bōk kauwe im en̄taan kōnke bōd ko aer; 9–15, Libabne eo an Irooj enaaj wōtlo̧k ioon laļ ko, a armej ro An naaj aini im kaenōm̧m̧an er; 16–21, Zaion im stake ko an renaaj jutak; 22–31, Jekjek in mour ilo Meļļenium ej ellaajrak; 32–42, Ro Rekwōjarjar naaj kōjeraam̧m̧an im ņa wōņāer ilo iien en; 43–62, Būrabōļ eo kōn ļeātōktōk eo im wōjke olive ko rej kakōļļeen ebelo̧n̄lo̧n̄ ko im āliktata lo̧mo̧o̧r an Zaion; 63–75, Ro Rekwōjarjar ren wōnm̧aanļo̧k im kuktok ippān doon; 76–80, Irooj eaar likūti Jemān-āe eo an United States; 81–101, Ro Rekwōjarjar ren akweļap kōn pukot mejļan nana ko ņae er, ekkar n̄an būrabōļ in kōrā eo im riekajet eo enana.
Jekjōn 102
1–8, Juon ko̧o̧njeļ eo eutiej kar jitōn̄e e n̄an mejaļļi men ko reaorōk im rebpen rej waļo̧k ilo Kabun̄ in; 9–18, Ellaajrak ko litoki n̄an ron̄jaki case ko; 19–23, President eo an ko̧o̧njeļ eo ej kwaļo̧k jem̧ļo̧k eo; 24–34, Ellaajrak eo n̄an bar lelōn̄tak juon case em̧ōj kōmmeļeļeiki.
Jekjōn 103
1–4, Etke Irooj eaar kōtļo̧k bwe armej ren matōrtōre Ro Rekwōjarjar ilo Jackson Kounty; 5–10, Ro Rekwōjarjar renaaj anjo̧ eļan̄n̄e rej kōjparok kien ko; 11–20, Lo̧mo̧o̧ren eo an Zaion enaaj itok jān kajoor, im Irooj enaaj ilo̧k im̧aan armej ro An; 21–28, Ro Rekwōjarjar rej itōn aintok doon ilo Zaion, im ro rej likūt mour ko aer renaaj bar bōki; 29–40, Elōn̄ em̧m̧aan ro kar kūr er n̄an karōke Kamp eo an Zaion im etal n̄an Zaion; anjo̧ ej kallim̧ur n̄an er eļan̄n̄e rej tiljek.
Jekjōn 104
1–10, Ro Rekwōjarjar rej bōd ņae koņ in bōrokuk eo renaaj lia; 11–16, Irooj ej kakke n̄an Ro Rekwōjarjar An ilo wāween eo An make; 17–18, Kien gospel ej tōl oņaake eo an ro rejeram̧ōl; 19–46, Eddo ko im kōjeraam̧m̧an ko an elōn̄ ian em̧m̧aan ro rej kōllaajraki; 47–53, Koņ in bōrokuk eo ilo Kirtland im koņ eo ilo Zaion ren jenolo̧k ilo aer m̧akūtkūt; 54–66, Alele ekwōjarjar in jāān eo an Irooj ej jutak n̄an kōm̧m̧ani ilo bok jeje ko rekwōjarjar; 67–77, Jikin jāān eo eļap an koņ in bōrokuk eo en jerbal ilo pedped in errā an aolep; 78–86, Ro ilo koņ in bōrokuk eo ren kōļļāik aolep m̧uri ko aer, im Irooj enaaj kōtļo̧k er jān ineen kōm̧akoko an jāān.
Jekjōn 105
1–5, Zaion enaaj ekkal jān errā ippān kien selestial; 6–13, Lo̧mo̧o̧ren an Zaion ej rum̧wijļo̧k ium̧win jidik tōrean; 14–19, Irooj enaaj ire ilo pata ko an Zaion; 20–26, Ro Rekwōjarjar ren mālōtlōt im jab kōmmejāje kōn jerbal ko reļļap ilo aer ae; 27–30, Bwidej ko ilo Jackson im kounty ko rej ekkejeltok aikuj in wiaiki; 31–34, Elder ro rej itōn bōk mennin letok ekwōjarjar eo aer ilo m̧weo im̧ōn Irooj ilo Kirtland; 35–37, Ro Rekwōjarjar ro im kar jim̧or kūr im kāālet er renaaj kokwōjarjar er; 38–41, Ro Rekwōjarjar rej itōn kotak juon flag in aenōm̧m̧an n̄an laļ in.
Jekjōn 106
1–3, Warren A. Cowdery kar kūr e āinwōt juon ritōl; 4–5, Itok eo Kein Karuo ej jamin kailbōk ro nejin meram āinwōt juon riko̧o̧t; 6–8, Jeraam̧m̧an ko reļļap rej ļoor jerbal etiljek ilo Kabun̄ in.
Jekjōn 107
1–6, Ewōr ruo priesthood ko: Melkizedek im Priesthood eo an Aron; 7–12, Ro rej kabwijer Melkizedek Priesthood ewōr aer kajoor n̄an m̧akūtkūt ilo aolep opij ko ilo Kabun̄ in; 13–17, Bisoprik eo ej tōl ioon Priesthood eo an Aron, eo ej jerbali kain̄i ko itulik; 18–20, Melkizedek Priesthood eo ej kabwijer ki ko an aolep kōjeraam̧m̧an ko ilo jetōb; Priesthood eo an Aron ej kabwijer ki ko an jerbal ko an enjeļ raņ; 21–38, Presidency eo Kein Kajuon, Jon̄oulruo Ro, im Jiljilimjuonn̄oul Ro rej ejaake doulul ko rej tōl, ko jem̧ļo̧k ko aer rej kōm̧m̧an ilo bōrokuk im jim̧we; 39–52, Ekkar eo an ro jemād ekar jutak jān Adam n̄an Noa; 53–57, Ro Rekwōjarjar etto rekar kuk ilo Adam-ondai-Aman, ilo Irooj eaar waļo̧k n̄an er; 58–67, Ro Jon̄oulruo ren likūt opija ro an Kabun̄ in ilo karōkaer; 68–76, Bisop ro rej jerbal āinwōt riekajet ro reļļap ilo Israel; 77–84, Presidency eo Kein Kajuon im Jon̄oulruo Ro rej ejaake jikin ekajet eo eutiejtata ilo Kabun̄ in; 85–100, President ro an Priesthood eo rej tōl kajjojo doulul ko aer.
Jekjōn 108
1–3, Lyman Sherman em̧ōj jeorļo̧k jero̧wiwi ko an; 4–5, E ej aikuj in bōnbōn ippān elder ro rej tōl ilo Kabun̄ in; 6–8, E kar kūri n̄an kwaļo̧k naan kōn gospel eo im kōkajoorļo̧k ro jein im jatin.
Jekjōn 109
1–5, Tampeļ eo ilo Kirtland ekar ekkal āinwōt juon jikin n̄an eo Nejin Armej n̄an loļo̧k; 6–21, E en juon im̧ōn jar, jitlo̧k, tōmak, ekkatak, aiboojoj, im koņ, im juon im̧ōn Anij; 22–33, Ro rej jab ukeļo̧k im rej jum̧ae armej ro doon Irooj ren pok; 34–42, Ro Rekwōjarjar ren wōnm̧aanļo̧k ilo kajoor n̄an aintok ro rejim̧we n̄an Zaion; 43–53, Ro Rekwōjarjar ren rōļo̧k jān men ko renana lutōkļo̧k ioon ro renana ilo raan ko āliktata; 54–58, Laļ ko im armej raņ im kabun̄ ko ren pojak n̄an gospel eo; 59–67, RiJu ro, riLeman ro, im aolep Israel ren bōk lo̧mo̧o̧r; 68–80, Ro rekwōjarjar ren pālpel kōn aiboojoj im utiej im bōk lo̧mo̧o̧r ejjeļo̧k jem̧ļo̧kin.
Jekjōn 110
1–10, Irooj Jeova ej waļo̧k ilo aiboojoj im ej bōke Kirtland Tampeļ m̧weo Im̧ōn; 11–12, Moses im Ilaija kajjojo rej waļo̧k im wūjlepļo̧k ki ko aer im tōrean bōk eddo ko aer; 13–16, Ilaija ej ro̧o̧ltok im wūjlepļo̧k ki ko an tōrean bōk eddo eo an āinwōt kar kallim̧ur jān Malakai.
Jekjōn 111
1–5, Irooj ej mejek wōt aikuj ko ilo kanniōk an ro Karejeran; 6–11, E enaaj tūriam̧o kake Zaion im karōki aolep men ko n̄an em̧m̧anļo̧k eo an ro Karejeran.
Jekjōn 112
1–10, Jon̄oulruo Ro ren jilkinļo̧k gospel eo im kotak ainikien kakkōl n̄an aolep laļ ko im armej; 11–15, Ren kotak debwāāl eo aer, ļoore Jisōs, im naajdik sip ko An; 16–20, Ro rej bōk Presidency eo Kein Kajuon rej bōk Irooj; 21–29, Maroklep ej kalbubuuk laļ, im ro wōt rej lōke im rej peptaij renaaj mour; 30–34, Presidency eo Kein Kajuon im Jon̄oulruo Ro rej kabwijer ki ko an tarlep in tōrean iien bōk ko.
Jekjōn 113
1–6, Kijeneļap in Jesse, ājib eo ej itok jān e, im okran Jesse kar kwaļo̧ki; 7–10, Bwe ko rejjeplōklōk in Zaion ewōr aer jim̧we n̄an priesthood eo im rej kūr er n̄an bar ro̧o̧ltok n̄an Irooj.
Jekjōn 114
1–2, Kūr ko ilo Kabun̄ im kabwijeri jān ro rej jab tiljek naaj liļo̧k n̄an ro jet.
Jekjōn 115
1–4, Irooj en ņa etan kabun̄ eo An Kabun̄ eo an Jisōs Kraist im Armej ro Rekwōjarjar ilo Raan ko Āliktata; 5–6, Zaion im stake ko an jikin ko n̄an jojomar im likōpejn̄ak n̄an Ro Rekwōjarjar; 7–16, Ro Rekwōjarjar kar jiron̄ er n̄an kalōk juon im̧ōn Irooj ilo Far West; 17–19, Josep Smith ej kabwijeri ki ko an aelōn̄ in Anij ioon laļ.
Jekjōn 116
Jekjōn 117
1–9, Ro karejeran Irooj rej jab aikuj ankoņaki men ko an kanniōk, bwe “ta in m̧weiuk n̄an Irooj?”; 10–16, Ren eļļo̧k jān jab kaorōk jetōb, im katok ko aer renaaj ekwōjarjar n̄an Irooj.
Jekjōn 118
1–3, Irooj enaaj kakke aikuj ko an baam̧le ko an Jon̄oulruo ro; 4–6, Peļļo̧k ilo Jon̄oulruo rej kanni.
Jekjōn 119
1–5, Ro Rekwōjarjar ren kōļļāik ļapļo̧k in men ko m̧weiier innām leļo̧k, āinwōt m̧ōttan-jon̄oul, juon-m̧ōttan-jon̄oul in ļapļo̧k eo aer kajjojo iiō; 6–7, Kooj in ba kake enaaj kokwōjarjar āneen Zaion.
Jekjōn 120
Jekjōn 121
1–6, Rikanaan eo ej akweļap n̄an Irooj kōn en̄taan eo an Ro Rekwōjarjar; 7–10, Irooj ej ekkōnono aenōm̧m̧an n̄an e; 11–17, Lia ej aolep ro rej lelōn̄tak kūr ko reriab in bōd ņae armej ro an Irooj; 18–25, Er eban wōr aer jim̧we n̄an priesthood eo im renaaj jako; 26–32, Revelesōn ko reaiboojoj kar kallim̧uri n̄an ro ren kijenmej ilo peran; 33–40, Etke elōn̄ kūri er im jet wōt kāālete er; 41–46, Aikujin kōjerbale priesthood eo ilo jim̧we wōt.
Jekjōn 122
1–4, Jem̧ļo̧k ko in laļ renaaj kajjitōk kōn etan Josep Smith; 5–7, Aolep uwōta ko im en̄taan ko an renaaj leļo̧k n̄an e imminene im renaaj n̄an em̧m̧anļo̧k eo an; 8–9, Eo Nejin Armej eaar wanlaļļo̧k ium̧wier aolep.
Jekjōn 123
1–6, Ro Rekwōjarjar reaikuj aini im likūt ilo bok juon bwebwenato kōn en̄taan ko im kebiōp ko aer; 7–10, Ejja jetōb eo wōt eo eaar kajutak ennaan ko reriab ej barāinwōt tōl ļo̧k n̄an kebiōp an Ro Rekwōjarjar; 11–17, Elōn̄ ilubwiljin aolep kabun̄ ko renaaj bōk m̧ool eo tokālik.
Jekjōn 124
1–14, Ej jiron̄ Josep Smith n̄an kōm̧m̧ane juon kean̄ ekwōjarjar kōn gospel eo n̄an president eo an United States, kabna ro, im irooj ro an aolep laļ ko; 15–21, Hyrum Smith, Devid W. Patten, Josep Smith Sr., im ro jet ilubwiljin ro rimour im rimej rejeraam̧m̧an kōn m̧ool eo aer im em̧m̧an ko aer; 22–28, Ro Rekwōjarjar kar jiron̄ er n̄an kalōk jim̧or juon em̧ n̄an kam̧ōņōņōik ruwamāejet ro im juon tampeļ ilo Nauvoo; 29–36, Peptaij ko n̄an ro remej ren kōm̧m̧ani ilo tampeļ ko; 37–44, Armej ro an Irooj rej kalōki tampeļ ko iien otemjej n̄an kōm̧m̧ani kain̄i ko rekwōjarjar; 45–55, Ro Rekwōjarjar rej rōļo̧k jān kalōke juon tampeļ ilo Jackson Kounty kōnke kaen̄tanaan ko an rikōjdat ro aer; 56–83, Naan in tōl ko litoki kōn ekkal eo an M̧weo Im̧ōn Nauvoo; 84–96, Hyrum Smith kar kūr e juon petriak, n̄an bōki ki ko, im n̄an jutak ilo ijo jikin Oliver Cowdery; 97–122, William Law im ro jet kar kapilōk er ilo jerbal ko aer; 123–145, Opija ro reļļap im ro ilo jikin eo kar kōllaajrak etaer, ippānļo̧k jerbal ko aer im doulul ko rej pād ie.
Jekjōn 125
1–4, Ro Rekwōjarjar ren ekkal jikin kwelo̧k ko im ainļo̧k doon n̄an stake ko an Zaion.
Jekjōn 126
1–3, Brigham Young rej nebar e kōn jerbal ko an im kameraik e jān ito-itak ettoļo̧k ilo raan ko rej pedotok.
Jekjōn 127
1–4, Josep Smith ej likōmjāje ilo kebiōp im en̄taan; 5–12, Ļo̧o̧k ko reaikuj kōjparoki kōn peptaij ko kōn ro remej.
Jekjōn 128
1–5, Rikanne ro reddik im reļļap reaikuj kam̧oole m̧ool eo an peptaij ko kōn ro remej; 6–9, Ļo̧o̧k ko aer rej pen im rej ļo̧o̧ki ioon laļ im ilo lan̄; 10–14, Jikin peptaij eo ej kakōļļeen lōb; 15–17, Ilaija eaar kōjepļaaktok kajoor eo n̄an peptaij kōn ro remej; 18–21, Aolepān ki ko, kajoor ko, im maron̄ ko an tōrean bōk eddo ko remootļo̧k em̧ōj aer bar jepļaaktok; 22–25, Naan ko rem̧m̧an im aiboojoj rej kabun̄bun̄iļo̧k n̄an ro remour im ro remej.
Jekjōn 129
1–3, Ewōr jim̧or ānbwin ko em̧ōj aer jerkakpeje im ānbwin jetōb ko ilo lan̄; 4–9, Ki ko litoki im kaki ribōktok ennaan ro jān turājet in ron̄el nuknuk eo jemaron̄ kile er.
Jekjōn 130
1–3, Jemān im Nejin remaron̄ make waļo̧k n̄an armej; 4–7, Enjeļ ro rej pād ilo juon lan̄ in selestial; 8–9, Laļ in n̄e em̧ōj an kōņak aiboojoj in selestial enaaj juon Urim im Tumim eļap; 10–11, Juon dekā emouj ej leļo̧k n̄an aolep ro rej deļo̧n̄ļo̧k ilo laļ selestial; 12–17, Iien eo an Itok eo Kein karuo kar dāpiji jān Rikanaan eo; 18–19, Jeļāļo̧kjeņ eo bōke ilo mour in ej wanlōn̄ļo̧k ipped ilo Jerkakpeje eo; 20–21, Aolep kōjeraam̧m̧an ko rej itok jān pokake kien; 22–23, Jemān im Nejin ewōr ānbwinnier kanniōk im di.
Jekjōn 131
1–4, Selestial m̧are emennin aikuj n̄an mour āinwōt Anij ilo lan̄ eo eutiejtata; 5–6, Wāween sili armej n̄an mour indeeo em̧ōj kōmmeļeļeiki; 7–8, Aolep jetōb ej irinekkatak.
Jekjōn 132
1–6, Mour āinwōt Anij jej tōpare kōn bujen eo ekāāl im ejjeļo̧k jem̧ļo̧kin; 7–14, Koņ ko kōmleti im kallim̧ur ko an bujen in rej kōllaajraki; 15–20, Selestial m̧are im wōnm̧aanļo̧k wōt in baam̧le eo ej kōm̧m̧an bwe armej ren erom anij raņ; 21–25, Iaļ eo erānin̄ im eaidik ej tōlļo̧k n̄an mour indeeo ko; 26–27, Kien eo letoke kōn blaspim ņae Jetōb Kwōjarjar; 28–39, Kallim̧ur ko kōn ļapļo̧k indeeo im mour āinwōt Anij rej kōm̧m̧an n̄an rikanaan ro im Ro Rekwōjarjar ilo aolep dettan ko an laļ; 40–47, Josep Smith kar leļo̧k n̄an e kajoor eo n̄an lukwōj im sil ioon laļ im ilo lan̄; 48–50, Irooj ej sili ioon mour indeeo eo an; 51–57, Emma Smith ej bōk kapilōk bwe en tiljek im m̧ool; 58–66, Kien ko rej tōl ikijjien m̧areik elōn̄ rej kōllaajraki.
Jekjōn 133
1–6, Ro Rekwōjarjar rej jiron̄ er n̄an pojak n̄an Itok eo Kein karuo; 7–16, Armej otemjej rej jiron̄ er n̄an ko jān Babilon, itok n̄an Zaion, im pojak n̄an raan eo eļap an Irooj; 17–35, E enaaj jutak ioon Toļ Zaion, laļ ko reļļap renaaj erom juon wōt āne, im bwij ko rōjebwābwe in Israel renaaj ro̧o̧ltok; 36–40, Gospel eo kar kōjepļaaktok kōn Josep Smith n̄an kwaļo̧k e ilo aolepān laļ; 41–51, Irooj enaaj wanlaļtak ilo idenoņe ioon ro renana; 52–56, Enaaj iiō eo an ro Eaar wiaik er; 57–74, Gospel eo naaj jilkinļo̧k n̄an lo̧mo̧o̧ren Ro Rekwōjarjar im n̄an ko̧kkure eo an ro renana.
Jekjōn 134
1–4, Kien ko reaikuj dāpij anemkwōj in bōklōkōt im kabun̄-jar; 5–8, Aolep armej reaikuj rie kien ko aer im reaikuj leļo̧k kautiej im jeļāņae kakien; 9–10, Doulul in kabun̄ ko rej jab aikuj kōm̧akūtkūt kajoor ko an kien eo; 11–12, Armej rejim̧we ilo jojomar n̄an er make im men ko m̧weiier.
Jekjōn 135
1–2, Josep im Hyrum rekar mej kōn tōmak eo aerro ilo Kalbuuj eo ilo Carthage; 3, Utiej eo an opij eo an Rikanaan eo ej kabun̄bun̄ļo̧k; 4–7, Bōtōktōkier ejjeļo̧k ruōn ej kam̧ool kōn m̧ool im ke ej an Anij jerbal in.
Jekjōn 136
1–16, Wāween naaj karōke kāām eo an Israel n̄an ito-itak eo n̄an rilik rej kōmmeļeļeiki; 17–27, Ro Rekwōjarjar kar jiron̄ er n̄an mour ekkar n̄an elōn̄ jon̄ok ko an gospel eo; 28–33, Ro Rekwōjarjar ren al, eb, jar, im jeļā mālōtlōt; 34–42, Rikanaan ro rej m̧ane er bwe En maron̄ kautiej er im bwe En liaakeļo̧k ro renana.
Jekjōn 137
1–6, Rikanaan eo ej lo ļeo jein Alvin ilo aelōn̄ selestial; 7–9, Katak eo kōn lo̧mo̧o̧ren n̄an ro remej ej kwaļo̧ki; 10, Aolep ajri rej mour ilo aelōn̄ selestial.
Jekjōn 138
1–10, President Josep F. Smith ej koļmānļo̧kijeņ kōn jeje ko an Piter im loļo̧k eo an ad Irooj n̄an laļ eo an jetōb; 11–24, President Smith ej lo ro remej im rejim̧we rej kuk ilo paredais im jerbal eo an Kraist ilubwiljier; 25–37, Ej lo wāween an kwaļo̧k naan kōn gospel eo kar karōke ilubwiljin jetōb ro; 38–52, Ej lo Adam, Iv, im elōn̄ ian rikanaan ro rekwōjarjar ilo laļ eo an jetōb ro im rekar watōke jekjek in jetōb ko aer m̧okta jān aer jerkakpeje bwe ekar juon lokjak; 53–60, Ro remej im rejim̧we an raan kein rej wōnm̧aanļo̧k ilo jerbal ko aer ilo laļ eo an jetōb ko.