M̧are

Juon bujen ium̧win kien ak kooņtōreak ikōtaan juon em̧m̧aan im juon kōrā eo ej kōm̧m̧an bwe ren ļeo im lio pālele. Anij ar kōmālim m̧are (K&B 49:15).

Bujen m̧are eo ekāāl im ejjeļo̧k jem̧ļo̧kin

M̧are kōm̧m̧an ium̧win kien gospel eo im priesthood eo ekwōjarjar ej n̄an mour in im n̄an indeeo. Em̧m̧aan im kōrā ro retōllo̧ke āindein rej sil ilo tampeļ eo ilo m̧are remaron̄ wōnm̧aanļo̧k āinwōt ļōm̧aro im lim̧aro pālele n̄an indeeo.

N̄an bōke tiikri eo eutiejtata ilo aelōn̄ selestial, juon armej eaikuj deļo̧n̄ļo̧k ilo bujen m̧are eo ekāāl im ejjeļo̧k jem̧ļo̧kin, K&B 131:1–4.
Eļan̄n̄e juon em̧m̧aan ej m̧areik kōrā pāleen jab jān Eō, bujen im m̧are eo aer ej jab wōr kūtien n̄e rej mej, K&B 132:15.
Eļan̄n̄e juon em̧m̧aan ej m̧areik juon pāleen jān Aō innaan im jān bujen eo ekāāl im ejjeļo̧k jem̧ļo̧kin, im ej sil jān Jetōb Kwōjarjar in Kallim̧ur, e naaj wōr kūtien je rej jako jān laļ in, K&B 132:19.

M̧are ikōtaan tōmak

M̧are ikōtaan juon em̧m̧aan im juon kōrā jān kabun̄ ko eoktak tōmak ko aer m̧akūtkūt ko aer

Kwōn jab bōk lio pāleen ļeo nejū jān kōrā ro nejin riKenean, Jen. 24:3.
Eļan̄n̄e Jekab ej bōk juon pāleen jān lim̧aro nejin Het, ewi tokjān aō mour n̄an eō, Jen. 27:46 (Jen. 28:1–2).
Israel en jab m̧are riKenean, Dut. 7:3–4.
Israel ar m̧are ippān riKenean, kar kabun̄-jar n̄an anij ko rewaan, im eaar lia, Ekaj. 3:1–8.
Lim̧aro pāleen Solomon raar ukōte būruōn n̄an kabun̄ n̄an anij ro rewaan, 1 Kiin̄ 11:1–6.
Kōm ban leļo̧k kōrā ro nejim n̄an armej in āneo, ak ban bōk lim̧aro nejier n̄an ļōm̧aro nejim, Nih. 10:30.

M̧areik Elōn̄

M̧are eo an juon em̧m̧aan n̄an ruo ak elōn̄ļo̧k kōrā remour. Ekkar n̄an kien bwe juon em̧m̧aan en wōr juon wōt kōrā pāleen, ijello̧kun wōt n̄e Irooj ej jiron̄ bwe en oktak jān revelesōn (Jekab 2:27–30). Jān revelesōn, m̧areik elōn̄ļo̧k kar kōm̧m̧ane ilo iien ko an Kallim̧ur Em̧or im ilo raan ko im̧aan an Kabun̄ eo kar kōjepļaaktok ium̧win tōl an rikanaan eo ekar kabwijer ki ko an priesthood eo (K&B 132:34–40, 45). Ejako kiiō kōm̧m̧ane ilo Kabun̄ in (KE 1); rainin, bōk elōn̄ļo̧k jān juon kōrā pālele ej ej ekkar n̄an ro uwaan Kabun̄ eo an Jisōs Kraist im Armej ro Rekwōjarjar ilo Raan ko Āliktata.