Dan

Bwe kōjeraam̧m̧an eo an Jekab ioon Dan, lale Jenesis 49:16–18. Bwe kōjeraam̧m̧an eo an Moses ioon bwij eo an Dan, lale Duteronomi 33:22. Ālikin aer kar amņak ilo Kenean, bwij eo an Dan raar bōk juon bwidej edik ak ekanooj in kitōkmaro (Josh. 19:40–48). Ekar kanooj pen aer kōjparoke ņae riAmor (Ekaj. 1:34) im ņae riPilistia (Ekaj. 13:2, 25; 18:1). Kōn wōt men in, riDan raar em̧m̧akūtļo̧k n̄an tuiōn̄ in Palestine (Ekaj. 18), ipeļaakin Leish, im kar bar kōm̧m̧an etan jikin kwelo̧k eo Dan. Jikin kwelo̧k in edik ebun̄bun̄ ke ej jem̧ļo̧k in Palestine ituiōn̄, eo me ej “erļo̧k jān Dan em̧ool n̄an Bier-shiba.”