Parisi ro

Ilo Kallim̧ur Ekāāl, juon jar in rikabun̄ ro ilubwiljin riJu ro eo etaer ej letok ļōmņak in ke rejenolo̧k ak make iaer. Parisi eo rekar juwa kōn kanooj ļoore kien Moses im kōttoļo̧k er jān jabdewōt men ej ekkejelļo̧k ippān ro riAelōn̄ ko. Rekar tōmak ilo mour ālikin mej, Rerkakpeje eo, im an wōt enjeļ ro im jetōb ro. Rekar tōmak bwe kien eo im imminene ko ilo bwebwenato rekar jon̄an aer aorōk wōt kien ko ilo jeje. Katak ko aer rekar kadikļo̧k kabun̄ n̄an kōjparok wōt rule ko im rekar rōjan̄ juwa kōn mour in jetōb. Rekar kōm̧m̧an bwe en lōn̄ riJu ro n̄an pere Kraist im gospel eo An. Irooj ar kabōd Parisi ro im jerbal ko aer ilo Matu 23; Mark 7:1–23; im Luk 11:37–44.