Tōmak

Āinwōt kōjerbale ilo jeje ko rekwōjarjar, naan in tōmak ewōr ruo meļeļein: (1) n̄an an wōr tōmak ilo juon armej ak n̄an bōk juon men bwe em̧ool, im (2) lōke ilo juon men ak juon armej.

Tōmak ilo juon armej

Juon armej eaikuj ukeļo̧k im tōmak ilo Jisōs Kraist bwe en maron̄ mour ilo aelōn̄ in Anij (K&B 20:29).

Āinwōt am kar tōmak, āindein naaj kōm̧anm̧an n̄an eok, Matu 8:13.
Jabdewōt kom̧ naaj kajjitōk ilo jar, im tōmak, kom̧ naaj bōk, Matu 21:22.
Jab ebbeer, tōmake wōt, Mark 5:36.
Aolep men otemjeļo̧k remaron̄ n̄an eo ej tōmak, Mark 9:23–24.
Eo ej tōmak im ej peptaij enaaj mour, Mark 16:16 (2 Ni. 2:9; 3 Ni. 11:33–35).
Eo ej tōmak ilo eo Nejin ewōr an mour ejjeļo̧k jem̧ļo̧kin, Jon 3:16, 18, 36 (Jon 5:24; K&B 10:50).
Kōmij tōmak im jeļā bwe Kwe RiKraist eo, Jon 6:69.
E ej tōmak ilo N̄a, men̄e eaar mej, enaaj mour, Jon 11:25–26.
Kōj ro rekar tōmak jej deļo̧n̄ ilo kakkije, Hib. 4:3.
Tōmak ioon Jisōs Kraist, im iakwe doon, 1 Jon 3:23.

Messaia e jamin ko̧kkure ejjeļo̧k ian ro rej tōmak ilo E, 2 Ni. 6:14.
RiJu ro naaj matōrtōre er m̧ae aer reel n̄an tōmak ilo Kraist, 2 Ni. 25:16.
Eļan̄n̄e kom̧ij tōmak men kein, lale bwe kom̧in kōm̧m̧ani, Mosa. 4:10.
Nejin enaaj bōk ioon E bōd ko an ro rej tōmak ioon Etan, Alma 11:40.
Em̧ōņōņō eo ej tōmak ilo naan eo an Anij ilo ejjeļo̧k kipel, Alma 32:16.
Eļan̄n̄e men eo de in ilo kom̧ ej ikdeelel n̄an tōmak, kōtļo̧k bwe ikdeelel in en jerbal ilo kom̧, Alma 32:27.
Eļan̄n̄e kom̧ij tōmak ilo etan Kraist, kom̧ naaj ukeļo̧k, Hil. 14:13.
Ro rej tōmak ilo Kraist rej tōmak ilo Jemān barāinwōt, 3 Ni. 11:35.
Armej ejjan̄in kar tōmak ilo Irooj āinwōt kar ļeo jein im jatin Jered, Ether 3:15.
Men otemjeļo̧k ej karreel n̄an tōmak ilo Kraist ej ijello̧ktok in kajoor eo an Kraist, Moro. 7:16–17.

Lōke ilo juon men ak juon armej

Āinwōt ekkā kōjerbale ilo jeje ko rekwōjarjar, tōmak ej kōjatdikdik im lōke eo ilo Jisōs Kraist eo ej tōlļo̧k juon armej n̄an pokake E. Tōmak eaikuj in pedped ilo Jisōs Kraist bwe en maron̄ in tōlļo̧k juon armej n̄an lo̧mo̧o̧r. Ro Rekwōjarjar ilo Raan Ko Āliktata ebarāinwōt wōr aer tōmak ilo Anij Jemān, Jetōb Kwōjarjar, kajoor in priesthood eo, im m̧wian̄ōn ko jet reaorōk ilo gospel eo kar kōjepļaaktok.

Tōmak ekitbuuj juon kōjatdikdik kōn men me jej jab loi, a rej men ko rem̧ool (Hib. 11:1; Alma 32:21; Ether 12:6). Tōmak ej mour jān ron̄ katakin kōn gospel eo jān ro kōmālim er im ijjilōktok in Anij (Rom 10:14–17). Mennin bwilōn̄ ko rej jab kōmour tōmak, a tōmak ekajoor ej eddekļo̧k jān pokake gospel eo an Jisōs Kraist. Ilo bar juon wāween ba, tōmak ej itok jān wānōk (Alma 32:40–43; Ether 12:4, 6, 12; K&B 63:9–12).

Tōmak em̧ool ej bōktok mennin bwilōn̄ ko, visōn ko, tōņak ko, kōmour ko, im aolep mennin letok an Anij ko E ej liļo̧k n̄an Ro Rekwōjarjar An. Jān tōmak juon ej bōk jeorļo̧k in jero̧wiwi ko im āliktata ej maron̄ in jokwe ilo im̧aan mejān Anij. Jako in tōmak ej tōlļo̧k juon n̄an jorrāān, eo me ej itok kōnke nana (Moro. 10:22).

Am tōmak ar kōmour eok, Matu 9:22 (Mark 5:34; Luk 7:50).
Ekkar n̄an tōmak eo am en āindein n̄an eok, Matu 9:29.
Eļan̄n̄e ewōr ami tōmak āinwōt ine in mustad, ejjeļo̧k men enaaj pen n̄an kom̧, Matu 17:20 (Luk 17:6).
Iaar jar kōn eok, bwe am tōmak en jab jako, Luk 22:32.
Tōmak ilo etan Kraist eaar kōm̧m̧an bwe ļein en kajoor, Jerbal 3:16.
Tōmak ej itok jān ron̄jake naan eo an Anij, Rom 10:17.
Eļan̄n̄e Kraist eaar jan̄in jerkak am tōmak ej barāinwōt waan, 1 Kor. 15:14.
Tōmak ej jerbal kōn iakwe, Gal. 5:6.
Jān jouj kom̧ij mour kōn tōmak, Epe. 2:8 (2 Ni. 25:23).
Kotak kein tōrak in tōmak, Epe. 6:16 (K&B 27:17).
Iaar kamōjļo̧k iāekwōj eo aō, iaar dāpij tōmak eo, 2 Tim. 4:7.
Tōmak ej āinwōt lōke kōn men ko kōjatdikdik kaki, Hib. 11:1.
Eļan̄n̄e ejjeļo̧k tōmak jej jab maron̄ kabun̄-būruōn, Hib. 11:6.
Tōmak, eļan̄n̄e jerbal ko rej jab ippān, e mej, Jemes 2:17–18, 22.

Inaaj etal im kōm̧m̧ani men ko me Irooj eaar jiron̄ eō, 1 Ni. 3:7.
Irooj emaron̄ kōm̧m̧ani aolep men ko otemjeļo̧k n̄an ro nejin armej, eļan̄n̄e rej kwaļo̧k tōmak ilo E, 1 Ni. 7:12.
Pā ko reddik ilo Liaona eo rekar jerbal ekkar n̄an tōmak, 1 Ni. 16:28.
Ukeļo̧k, im peptaij ilo etan, bōk tōmak eo eweeppān ilo Eo Ekwōjarjar, 2 Ni. 9:23.
Kraist ej jerbali mennin bwilōn̄ ko reļļap ilubwiljin ro nejin armej ekkar n̄an tōmak eo aer, 2 Ni. 26:13 (Ether 12:12; Moro. 7:27–29, 34–38).
Kar jeorļo̧k jero̧wiwi ko an Inōs kōnke tōmak eo an ilo Kraist, Inōs 1:3–8.
Lo̧mo̧o̧r ej itok n̄an ejjeļo̧k juon ijello̧kun wōt kōn tōmak ilo Irooj Jisōs Kraist, Mosa. 3:12.
Bōro ko rej oktak kōn tōmak ioon Etan, Mosa. 5:7.
Jar ko an ro karejeran Anij rej uwaak ekkar n̄an tōmak eo aer, Mosa. 27:14.
Letok n̄an kōm kajoor ekkar n̄an am tōmak ilo Kraist, Alma 14:26.
Kūr ioon etan Anij ilo tōmak, Alma 22:16.
Tōmak ej jab n̄an bōk juon jeļāļo̧kjeņ eweeppān kōn men ko, Alma 32:21 (Ether 12:6).
Ke ej jino juļ em̧ool āindein naajdike kōn tōmak eo ami, Alma 33:23 (Alma 32:28).
Oņaake eo aer kar jebar jān kajoor an Anij ekabwilōn̄lōn̄ kōnke tōmak eo aer eļap otem ļap, Alma 57:25–27.
Jon̄an wōt e enaaj reilo̧k ioon eo Nejin Anij kōn tōmak en mour, Hil. 8:15.
Ij lo bwe ami tōmak ebwe bwe In kōmour kom̧, 3 Ni. 17:8.
Tōmak ej men ko me kōjatdikdik kaki im jab loi, Ether 12:6.
Aolep ro rej jerbali mennin bwilōn̄ ko rej kōm̧m̧ani jān tōmak, Ether 12:12–18.
Eļan̄n̄e ewōr aer tōmak ilo N̄a, innām I naaj kōm̧m̧ani men ko rem̧ōjņo̧ ren erom kajoor n̄an er, Ether 12:27–28, 37.
Mormon eaar katakin kōn tōmak, kōjatdikdik, im iakwe-em̧ool, Moro. 7.
Jabdewōt men kom̧ij kajjitōk ippān Jema ilo Eta, eo ej em̧m̧an, ilo tōmak im lōke bwe kom̧ naaj bōk, lo, enaaj waļo̧k n̄an kom̧, Moro. 7:26.
Er ro ewōr aer tōmak ilo Kraist renaaj eddāp n̄an men otemjej em̧m̧an, Moro. 7:28.
Eļan̄n̄e kom̧ naaj kajjitōk, im ewōr tōmak ilo Kraist, E naaj kaalikkar m̧ool eo, Moro. 10:4.

Kōn ejjeļo̧k tōmak kom̧ maron̄ kōm̧m̧an ejjeļo̧k; kōn menin kajjitōk ilo tōmak, K&B 8:10.
Eaikuj in ilo̧k n̄an er ekkar n̄an tōmak eo aer ilo jar ko aer, K&B 10:47, 52.
Aolep armej eaikuj niknik ilo tōmak ioon Etan n̄an jem̧ļo̧kin, K&B 20:25, 29.
Jetōb eo naaj lewōj n̄an kom̧ jān jar in tōmak, K&B 42:14.
Tōmak ej itok jab jān kakōļļe ko, a kakōļļe ko rej ļoor ro rej tōmak, K&B 63:9–12.
Ro jemān im jinen ren katakin ro nejier tōmak ilo Kraist, K&B 68:25.
Kappukot jeļā, em̧ool jān ekkatak im barāinwōt jān tōmak, K&B 88:118.