Sopun 3
Elter ra seikata ekkoch pris me sense seni iseta paw won mokur. Arap ngeni Ierin ewe Samon 401–421.
1 Ewe napanap minne ekkewe chon kuno, ekkewe ra iteni elter seni ewe mwichefen, ra seikata pris me sense—
2 Mwirin ar iotek ngeni ewe Sam non iten Kraist, ra wata pour wor me apasa:
3 Fan iten Jises Kraist ua seikoketa om kopwe emon pris (are ika i epwe emon sense, ua seikoketa om kopwe emon sense) pwe kopwe afanafana aier me omusomusen tipis non Jises Kraist, ren nikitu non nuku won itan tori nesoponon. Amen.
4 Iwe mwirin ei napanap ra seikita ekkoch pris me sense, anongonong won ekkewe niffang me kokko an Kot ngeni aramas; iwe ra seikita me ren ewe manamanen ewe Ngun mi Fel, minne a nom rer.