Vahe 2
Ko e konga naʻe toʻo mei he hisitōlia ʻa Siosefa Sāmitá ʻi he fakamatala ki he ngaahi lea ʻa e ʻāngelo ko Molonaí kia Siosefa Sāmita ko e Palōfitá, lolotonga ʻene ʻi he fale ʻo e tamai ʻa e Palōfitá ʻi Manisesitā, Niu ʻIoke, ʻi he efiafi ʻo e ʻaho 21 ʻo Sepitema, 1823. Ko Molonaí ko e fakamuimui taha ia ʻo e kau tangata faʻu hisitōlia tokolahi naʻa nau faʻu ʻa e lekooti ko ia ʻoku maʻu ʻe māmani ʻi he taimí ni ko e Tohi ʻa Molomoná. (Fakafehoanaki mo e Malakai 4:5–6; pehē foki mo e vahe 27:9; 110:13–16; mo e 128:18.)
1, ʻE fakahā mai ʻe ʻIlaisiā ʻa e lakanga fakataulaʻeikí; 2–3, ʻOku tō ʻa e ngaahi talaʻofa ʻo e ngaahi tamaí ʻi he loto ʻo e fānaú.
1 Vakai, te u fakahā kiate kimoutolu ʻa e Lakanga Fakataulaʻeikí, ʻi he nima ʻo ʻIlaisiā ko e palōfitá, ki muʻa ʻoku teʻeki ai ke hoko ʻa e fuʻu ʻaho lahi mo fakamanavahē ʻo e ʻEikí.
2 Pea te ne tō ʻi he loto ʻo e fānaú ʻa e ngaahi talaʻofa naʻe fai ki he ngaahi tamaí, pea ʻe liliu ʻa e loto ʻo e fānaú ki heʻenau ngaahi tamaí.
3 Ka ne ʻikai ke pehē ia, ʻe fakaʻauha ʻo ʻosiʻosingamālie ʻa e māmaní kotoa ʻi heʻene hāʻele maí.