Ko e faingamālie ia ki he kakai ko ia naʻa nau mate ʻoku teʻeki ke nau maʻu ʻa e ngaahi ouau fakamoʻui ʻo e ongoongoleleí, ke fakahoko ʻa e ngaahi ouau ko iá kiate kinautolu ʻi he ngaahi temipalé ʻe he kāingalotu kei moʻui ʻo e Siasí ʻa ia ʻoku nau feʻunga mo tāú. ʻOku akoʻi ʻa e ongoongoleleí ki he kau pekiá ʻi he maama ʻo e ngaahi laumālié pea te nau lava ʻo tali ʻa e ngaahi ouau kuo fakahoko maʻanautolu ʻi he moʻui fakamatelié.
ʻOku fekumi ʻa e kāingalotu tui faivelenga ʻo e Siasí mo teuteu ʻa e ngaahi hisitōlia fakafāmilí, ke fakapapauʻi ʻa e ngaahi hingoa mo e ngaahi ʻaho fāʻeleʻi ʻo ʻenau ngaahi kuí koeʻuhí ke lava ʻo fakahoko ʻa e ngaahi ouau fakamoʻuí kiate kinautolu.