Koniliusi

Ko ha ʻeikitau ia ʻi Sesalia, naʻe papitaiso ʻe Pita (Ngāue 10). Mahalo ko e ʻuluaki Senitaile ia ke kau ki he Siasí ka kuo teʻeki ului ki he tui faka-Siú. Naʻe hanga ʻe hono papitaiso ʻo Koniliusi mo hono fāmilí ʻo fakaʻilongaʻi hono fakaava mai ʻo e matapā ki hono malanga ʻaki ʻo e ongoongoleleí ki he kau Senitailé. Naʻe tataki hono fai ʻo e malanga ko ʻení ʻe Pita, ko e ʻAposetolo pulé, ʻa ia naʻá ne maʻu ʻa e ngaahi kī ʻo e puleʻanga ʻo e ʻOtuá ʻi he māmaní ʻi he taimi ko iá.