Foha ʻo e Tangatá

Ko e huafa ia naʻe ngāue ʻaki ʻe Sīsū ʻi heʻene folofola ʻo kau pē kiate Iá (Luke 9:22; Luke 21:36). ʻOku ʻuhinga ia ki he Foha ʻo e Tangata ʻo e Māʻoniʻoni. Ko e Tangata ʻo e Māʻoniʻoní ko e taha ia ʻo e ngaahi huafa ʻo e ʻOtua ko e Tamaí. Ko e taimi ko ia naʻe ui ai ʻe Sīsū Ia ko e Foha ʻo e Tangatá, ko Haʻane fakahā fakahāhā ia ʻa ʻEne fetuʻutaki fakalangi pea mo e Tamaí. ʻOku lahi hono faʻa ngāue ʻaki ʻa e huafa ko ʻení ʻi he Ngaahi Kōsipelí. ʻOku hanga ʻe he ngaahi fakahā ʻi he ngaahi ʻaho ki mui ní ʻo fakapapauʻi ʻa e ʻuhinga makehe mo e toputapu ʻo e huafa ko ʻeni ʻo e Fakamoʻuí, (T&F 45:39; 49:6, 22; 58:65; Mōsese 6:57).