Sēkope, Foha ʻo Līhaí
Ko ha palōfita ʻi he Tohi ʻa Molomoná pea naʻá ne hiki ha ngaahi malanga lahi ʻa ia ʻoku ʻi he tohi 2 Nīfaí mo e tohi ʻa Sēkopé (2 Nīfai 6–11; Sēkope 1–7).
Ko e tohi ʻa Sēkopé
Ko e tohi hono tolu ʻi he Tohi ʻa Molomoná. ʻOku fakamatala ʻa e vahe 1 ki hono foaki ʻe Nīfai ʻa e ngaahi lekōtí kia Sēkope peá ne fakanofo ʻa Sēkope mo hono tokoua ko Siosefá ke na hoko ko e ongo taulaʻeiki mo e ongo faiako ki he kakaí. Ko e vahe 2–4 ko e ngaahi malanga ia ʻo naʻinaʻi ki he kakaí ke nau angamaʻa. Naʻe toe akoʻi foki ʻe Sēkope ʻe hāʻele mai ʻa e Mīsaia ko ha huhuʻi, peá ne fakahā mai mo ha ngaahi ʻuhinga ʻe ʻikai tali ai Ia ʻe ha niʻihi ʻi ʻIsileli ʻi Heʻene hāʻele maí. ʻOku tohi ʻi he vahe 5–6 ʻa e fakamoʻoni ʻa Sēkope mo ha talanoa fakatātā fakakikite ʻo kau ki he hisitōlia mo e misiona ʻa e kakai ʻo ʻIsilelí. ʻOku tohi ʻi he vahe 7 ha fakamatala ki ha tangata angatuʻu poto ko hono hingoá ko Seialemi, ʻa ia naʻe ikunaʻi ia ʻe he mālohi ʻo e fakamoʻoni fakalangi ʻa Sēkopé.