Hālisi, Māteni

Ko e toko taha ʻo e kau Fakamoʻoni ʻe Toko Tolu ki hono tupuʻanga fakalangi mo hono moʻoni ʻo e Tohi ʻa Molomoná. Naʻá ne tokoniʻi fakapaʻanga ʻa Siosefa Sāmita mo e Siasí. Naʻe folofola ʻa e ʻEikí kia Māteni Hālisi ke ne fakatau atu hono kelekelé pea foaki ʻa ʻene paʻangá ki hono totongi ʻo hono pulusi ʻo e Tohi ʻa Molomoná (T&F 19:26–27, 34–35), pea ke hoko ko ha faʻifaʻitakiʻanga ki he Siasí (T&F 58:35), mo tokoni ki hono totongi ʻo e ngaahi fakamole ki he ngāue fakafaifekaú (T&F 104:26).

Naʻe tuʻusi ʻa Māteni Hālisi mei he Siasí, ka naʻá ne toe foki mai ki mui ʻo toe hoko ko e mēmipa kakato. Naʻe aʻu ki he ngataʻanga ʻo ʻene moʻuí mo ʻene fakamoʻoniʻi naʻá ne mamata ki he ʻāngelo ko Molonaí mo e ngaahi peleti koulá ʻa ia naʻe liliu mei ai ʻe Siosefa Sāmita ʻa e Tohi ʻa Molomoná.