Paula

Ko ha ʻAposetolo ʻi he Fuakava Foʻoú. Ko e hingoa faka-Hepelū ʻo Paulá ko Saula, pea naʻe ui ʻaki ia ʻa e hingoa ko iá ʻo aʻu ki he kamataʻanga ʻo ʻene ngāue fakafaifekau ki he kau Senitailé. Naʻá ne fakatangaʻi foki ʻa e Siasí ki muʻa peá ne toki ului ki hono moʻoní hili ʻene mamata ʻi ha meʻa-hā-mai kia Sīsū Kalaisi. Naʻe ʻalu ʻa Paula ʻi ha fononga fakafaifekau lalahi ʻe tolu pea ne tohi ha ngaahi tohi lahi ki he Kāingalotú. ʻOku hoko ha tohi ʻe hongofulu mā fā mei he ngaahi tohi ko iá ko ha konga ʻo e Fuakava Foʻou ʻo e ʻaho ní. Naʻe iku ʻo ʻave pōpula ia ki Loma pea mahalo naʻe tāmateʻi ia, ʻi he faʻahitaʻu matala ʻo e taʻu T.S. 65.

Loto ki hono tolomakaʻi ʻo Sitīvení, Ngāue 7:57–8:1.
Fakatangaʻi ʻa e Kāingalotú, Ngāue 8:3.
Lolotonga fononga atu ki Tāmasikusi ʻi he taimi naʻe hā mai ai ʻa Sīsū kiate iá, Ngāue 9:1–9.
Naʻe papitaiso ia ʻe ʻAnanaia, Ngāue 9:10–18.
Naʻe hili ʻene ʻalu ki ʻAlepeá, naʻa ne toe foki mai ki Tāmasikusi ke malanga, Ngāue 9:19–25 (Kalētia 1:17).
Naʻá ne toe foki ki Selusalema ʻi he ʻosi ha taʻu ʻe tolu mei hono fakaului iá, Ngāue 9:26–30 (Kalētia 1:18–19).
ʻAlu ʻi ha fononga fakafaifekau ʻe tolu, ʻo malanga ʻaki ʻa e ongoongoleleí mo fokotuʻu ha ngaahi kolo ʻo e Siasí ʻi ha ngaahi feituʻu kehekehe ʻo e ʻEmipaea Lomá, Ngāue 13:1–14:26; 15:36–18:22; 18:23–21:15.
Naʻá ne foki mai ki Selusalema hili ʻene fononga fakafaifekau hono tolú, naʻe puke pōpula ia ʻo ʻave ki Sesalia, Ngāue 21:7–23:35.
Nofo pōpula ʻi Sesalia ʻi he taʻu ʻe ua, Ngāue 24:1–26:32.
Naʻe ʻave ia ki Loma ki hono fakamāuʻí pea tūkia honau vaká lolotonga ʻenau folaú, Ngāue 27:1–28:11.