Kēlepi

Ko e toko taha ia ʻo kinautolu naʻe fekauʻi ʻe Mōsese ke nau ʻalu ʻo vakaiʻi ʻa e fonua ko Kēnaní ʻi he taʻu hono ua hili ʻa e kamata ʻo ʻenau Fononga atú. Ko ia pē mo Sosiua naʻá na ʻomi ha lipooti totonu ʻo kau ki he fonuá (Nōmipa 13:6, 30; 14:6–38). Ko kinaua pē ʻi he kakai kotoa naʻa nau haʻu mei ʻIsipité naʻá na hao moʻui mai ʻi he taʻu ʻe fāngofulu ʻo ʻenau fononga holo ʻi he toafá (Nōmipa 26:65; 32:12; Teut. 1:36) ʻo na hū atu ki Kēnani (Sosiua 14:6–14; 15:13–19).