Lea Fakatātā

Ko ha tohi ʻi he Fuakava Motuʻá ʻa ia ʻoku ʻi ai ha ngaahi talanoa fakatātā, ngaahi lea, mo e ngaahi maau lahi, pea naʻe tohi honau niʻihi ʻe Solomone. ʻOku lahi hono faʻa ngāue ʻaki ʻo e tohi ʻo e Ngaahi Lea Fakatātaá ʻi he Fuakava Foʻoú.

ʻOku ʻi he vahe 1–9 ha fakamatala ki he poto moʻoní. ʻOku ʻi he vahe 10–24 hano fakatahatahaʻi ʻo e ngaahi lea ʻoku kau ki he ngaahi founga totonu mo e founga hala ʻo e moʻuí. ʻOku ʻi he vahe 25–29 ʻa e ngaahi lea fakatātā (palōvepi) ʻa Solomone ʻa ia naʻe hiki ʻe he kau tangata ʻa Hesekaia, ko e tuʻi ʻo Siutá. ʻOku kau ʻi he vahe 30–31 ha fakamatala ki he fefine angamaʻa mo anga-māʻoniʻoní.